„БОРЦИТЕ НА АЗОВ ТРЕБА ДА БИДАТ ОБЕСЕНИ-ЗАСЛУЖУВААТ ПОНИЖУВАЧКА СМРТ“: Која е вистината за нападот на затворот во Оленивка

Добивај вести на Viber

Поминаа повеќе од две недели од едно од најстрашните воени во војната во Украина.Русија и Украина продолжуваат меѓусебно да се обвинуваат за него. Знаеме ли доволно денес за да кажеме кој е навистина виновен за нападот? Се работи за напад на затворот, односно казнената колонија во селото Оленивка во окупираниот дел на украинската област Доњецк, што се случи ноќта меѓу 28 и 29 јули.

Сепаратистите од самопрогласената Народна Република Доњецк објавија дека во артилериски напад загинале 53 украински воени заробеници, а уште 75 се ранети. Ја обвинија украинската армија за масакрот на украинските војници, кои очигледно биле убиени додека спиеле.

„Воено-политичкото раководство на Украина јасно одлучи да се ослободи од непотребниот товар“, го објасни наводниот мотив на украинската страна портпаролот на сепаратистите, додека портпаролот на руското Министерство за одбрана Игор Конашенков изјави дека целта на Нападот, наводно извршен од американскиот повеќеракетен систем ХИМАРС, бил „обид да се заплашат украинските сили да не се предаваат“.

#Azov militants deserve execution, but death not by firing squad but by hanging, because they’re not real soldiers. They deserve a humiliating death.

A married couple from Mariupol tell how they were shelled by forces from #Azovstal. #StopNaziUkraine https://t.co/jyQGEOJFYz

— Russian Embassy, UK (@RussianEmbassy) July 29, 2022

Друг мотив, според овој наратив, е да се замолчат самите затвореници, и да не можат на суд да ги признаат воените злосторства што наводно ги извршиле врз цивили во одбраната на Мариупол.

Во деновите пред масакрот, руските пропагандисти почнаа да објавуваат видеа на кои затворениците признаваат дека извршиле злосторства врз цивили, за што добиле директна наредба ни помалку ни повеќе туку од претседателот Володимир Зеленски.

Значи, уверуваат Русите, Украина одлучи да ги елиминира војниците кои ги слави како херојски бранители кои речиси три месеци се спротивставуваа на далеку понадмоќните агресори, прво на улиците на градовитет, како и во фабриката за челик Азовстал, која ја претворија во непробојна тврдина.

Во исто време, руската амбасада во Лондон на Твитер објави дека „борците од Азов заслужуваат да бидат погубени, но не со огнено оружје, туку со бесење“, бидејќи „тие не се вистински војници и заслужуваат понижувачка смрт“.

Украинците, очекувано, го отфрлија ова обвинување и ја обвинија руската страна за нападот. Зеленски го нарече „намерно руско воено злосторство“ за кое украинската војска тврдеше дека има за цел „да ги скрие тортурата и убивањето на затворениците“.