30 Мај, 2020
0.0201

БИЗНИСОТ ПРАШУВА: Како викендов ќе работат компаниите што имаат втора смена

Објавено во: Економија 27 Март, 2020

Како викендов ќе работат компаниите што имаат втора смена, со оглед што забраната за движење стартува од 16 часот, прашува бизнис секторот.

Во период на вонредна состојба клучни за успешно функционирање се комуникацијата и координацијата. Во тој контекст, многу важен е протокот на информации, од компаниите преку Стопанската комора на Македонија до Владата и надлежните институции, но и обратно, од институциите кон Комората и компаниите, велат од комората.

Зоран Јовановски, Главен советник на Управниот одбор на Стопанската комора на Македонија за економски прашања, вели дека е сосема јасно дека кога во вонредни услови ќе се донесе некоја уредба или мерка не можат да се предвидат сите аспекти поврзани со нивната примена. Прашањата околу примената на мерките често мораат да се решаваат во од. Затоа е многу важно да постои механизам на добра комуникација кој ќе овозможи да се добие валидно толкување од оној што е овластен да го даде. 

„Еве конкретен пример. Досега компаниите што работеа само во две смени можеа да го реализираат производството во периодот од 05 – 21 часот. Но, утре, сабота, забраната за движење на граѓани започнува порано, од 16 часот. Што значи тоа за компаниите што работат во две смени и редовно работат до 20 часот? Не смеат да работат со втора смена? Постојните дозволи не се однесуваат за втора смена, како што е случајот со викендов, бидејќи Уредбата со која им се дозволува на работниците да одат и да се враќаат од работа и во периодот кога има забрана за движење се однесува само на ноќно работење, трета и четврта смена. Што да прават компаниите во вакви околности? Дали треба да се регистрираат за трета смена во Државниот инспекторат за труд за да ги користат постојните дозволи, иако утре ќе станува збор за втора, а не за трета смена? Потребно е Уредбата да се измени соодветно за да се овозможи и за втора смена кога тоа го налагаат околностите? Ова е пример за прашање што бара јасен и брз одговор за да може производството да се извршува онаму каде што се уште се одвива и во вакви вонредни услови“, вели Јовановски.

Кога сме кај дозволите, појаснува тој, да посочиме на што мислиме кога велиме дека во вонредни услови е потребна добра координација. И неколку денови по воведувањето на Уредбата со која се дозволува движење на работници кои одат и се враќаат од работа ноќе кога има забрана на движење на граѓаните, се случува надлежните органи на работниците да им бараат печат од некоја институција и сл., иако тоа не е предвидено. Добрата и континуирана координација на сите нивоа тука многу би помогнала.

„Еве и друг, поинаков пример. Од компаниите се бара со одредена динамика да обезбедат дезинфекција на производствените погони и тоа да го прави овластена фирма. По барање на Комората од Министерство за здравство добивме листа на такви овластени фирми и списокот е ставен на интернет страницата на Комората. Сега фирмите лесно можат да дојдат до информацијата кој е овластен да врши дезинфекција. Ваквите потези ги релаксираат состојбите“, вели Јовановски. 

Накусо и за регионалните случувања. Еден од приоритетите на Стопанската комора на Македонија во постојниот период е обезбедување на проодност на коридорите за транспорт на стоки. Така, во врска со информациите за застој во транспортот на камиони на српско-македонска граница, Комората е активно вклучена во комуникација со Стопанската комора на Србија, и заедно со Владата на Република Србија се работи на отстранување на пречките. Исто така, сакаме да им посочиме на компаниите дека Советот на министри на Босна и Херцеговина донесе одлука со која определи гранични премини за влез и излез на стоки кои транзитираат низ таа држава. Деталите за таа одлука компаниите можат да ги најдат на интернет сајтот на Комората. 

Можеби ќе ве интересира

ЌЕ ТРПАТ ЗАГУБИ: Koронавирусот ќе „удри“ по производителите на овошје и зеленчук

ЌЕ ТРПАТ ЗАГУБИ: Koронавирусот ќе „удри“ по производителите на овошје и зеленчук

УСВОЕН ДЕКРЕТ: Најсиромашните Шпанци ќе добиваат по 462 евра месечно

УСВОЕН ДЕКРЕТ: Најсиромашните Шпанци ќе добиваат по 462 евра месечно

Светска банка пресмета колку Македонци ќе осиромашат поради пандемијата

Светска банка пресмета колку Македонци ќе осиромашат поради пандемијата

Каков платен биланс имаше во првиот квартал од 2020 година?

Каков платен биланс имаше во првиот квартал од 2020 година?

МОЖЕ ДА СЕ ЈАВИ СОЦИЈАЛНО НЕЗАДОВОЛСТВО: БДП во Италија ќе падне за 13 отсто

МОЖЕ ДА СЕ ЈАВИ СОЦИЈАЛНО НЕЗАДОВОЛСТВО: БДП во Италија ќе падне за 13 отсто

НЕВРАБОТЕНОСТА ЗЕМА ЗАМАВ: Коронавирусот остави без работа над 40 милиони Американци

НЕВРАБОТЕНОСТА ЗЕМА ЗАМАВ: Коронавирусот остави без работа над 40 милиони Американци

ОД ЖИВА МУЗИКА, ДО ИГРАЊЕ НА МАСИ И ГУШКАЊЕ - Пауновски разочаран од локалите, од вечерва ќе заиграат и казни

ОД ЖИВА МУЗИКА, ДО ИГРАЊЕ НА МАСИ И ГУШКАЊЕ - Пауновски разочаран од локалите, од вечерва ќе заиграат и казни

ЌЕ НАСТРАДА СРЕДНАТА КЛАСА: Пандемијата ќе втурне во сиромаштија 400.000 луѓе од Западен Балкан

ЌЕ НАСТРАДА СРЕДНАТА КЛАСА: Пандемијата ќе втурне во сиромаштија 400.000 луѓе од Западен Балкан

РАСТ: Дури една третина од граѓаните кои имаат интернет купуваат он-лајн

РАСТ: Дури една третина од граѓаните кои имаат интернет купуваат он-лајн