Бизнисменот Ратко Капушевски ќе профитира најмногу од енергетската криза?
Објавено во: Економија 21 Јануари, 2022
Балкан Енерџи Груп влезе во рамковна спогодба во вредност од 40 милиони евра за набавка на мазут со РКМ, компанијата на бизнисменот Ратко Капушевски, пред операторот на топловодната мрежа да биде официјално администриран од АД ЕСМ додека трае енергетската криза за топлинска енергија.
Договорот бил постигнат вчера без претходно објавување на оглас, а РКМ ќе треба да набави 52,1 милиони килограми мазут. Според договорот, БЕГ не е должен да набавува мазут доколку се покаже доволна набавката на природен гас преку АД ТЕ-ТО, рамковна спогодба која беше постигната на крајот од минатата година. Испораката треба да биде најинтензивна во периодот од 24 до 28 јануари, кога РКМ треба да биде во можност да испорачува по 100 мегатони мазут дневно.
Инаку од почетокот на енергетската криза се активираше и Регулаторната комисија за енергетика која во октомври одзеде две лиценци на компании за непоседување на резервоари за нафтени деривати, односно мазут во екот кога ова гориво беше насушно потребно. И РКМ беше на тапет кај Регулаторна изминатото лето поради непоседување на оперативни резерви на мазут.
Капушевски со РКМ на 19 јануари, односно еден ден пред постигнувањето на договор со БЕГ, регистрирал подружница-складиште на мазут со адреса на булевар Борис Трајковски во Кисела Вода. И неговата втора компанија, новоформираната Еуро Џет, исто така на 19 јануари на истата адреса отвора подружница-складиште за нафтени деривати.
Не е познато дали компаниите на Капушевски се меѓу оние кои обезбедуваат и мазут за ТЕЦ Неготино, кој по пауза од 2009 година, повторно се активираше поради скапата увозна електрична енергија. За работа на еден блок се потребни 650 тони дневно, а за двата блока пак требаат 1.300 тони дневно.
За време на грејната сезона заради засилена работа мазут е потребен и за РЕК Битола и РЕК Осломеј. АД ЕСМ објави дека набавката на мазут за ТЕЦ Неготино се одвива рамковно, но не ги објави договорите и компаниите.
А.К.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2023 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
МОЖЕ ДА БИДЕ И ВАША ЗА ЕДНА МАЛКУ „ПОДЕБЕЛА“ СУМА - во Скопје е, еве ги другите детали
ЗЕМЈИ СО НИЗОК СТАНДАРД: Можат ли да се прехранат со два долари на ден?
Ниту небото не е лимит за нив! Во која државна фирма просечната плата изнесува 2.500 евра?
ЕСМ увозот на јаглен го прогласи за „деловна тајна“
И ЕУ СЕ БОРИ СО РОДОВ ЈАЗ, ГРЦИЈА „ЛИДЕР“ МЕЃУ ЧЛЕНКИТЕ – Еве што преземаат за изедначување на вработеноста меѓу мажите и жените
УКРАИНА ПРЕД БАНКРОТ: Се очекува голема криза во земјата
КОИ СЕ НАЈГОЛЕМИТЕ ШТЕДАЧИ ВО ЕВРОПА: Од приходите дури 20 отсто ставаат на страна
Владата ќе го субвенционира зголемувањето на платите во приватниот сектор
Ковачевски ја објави првата мерка: По 1.200 и 1.800 денари за 105.000 ученици секој месец
