БИЛ ИЛИ НЕ БИЛ ХРВАТСКИОТ МЕДИУМ ВО „ПЕСТАЛОЦИ?“: Градоначалникот и директорката демантираат

Добивај вести на Viber

Јавноста ја тресат разни информации кои не доаѓаат само од Македонија туку и од целиот Балкан.

Денес, од страна на српскиот медиум Пинк, беше пренесен текст на хрватскиот медиум Недељног, чии новинари наводно биле во училиштето на Вања, „песталоци“ и разговарале со директорката и класната на девојчето.

Меѓутоа, градоначалникот на Центар, Горан Герасимовски и директорката на училиштето, Катерина Атанасова демантираат дека била дадена изјава за хрватскиот медиум.

„На ниеден новинар не сум дал дозвола да го посетат Песталоци. Дали новинари смеат да доаѓаат и известуваат од училиштето е одлука на директорката и менаџментот, а било кој вклучително и новинарите, мораат да ги почитуваат нивните одлуки“ рече Горан Герасимовски, градоначалник на општина Центар.

Директорката на училиштето исто така појаснува дека медиумската екипа, која влегла без прашање, веднаш откако била забележана низ ходниците, им било дадено до знаење дека не смеат да снимаат и фотографираат без дозвола. Таа тврди дека новинарите не разговарале ниту со класниот раководител, ниту со неа. 

Од Основото јавно обвинителство пак апелираа да не се шират дезинформации кои можат само да ја потресат јавноста дополнително.

„Дејствијата на сите инволвирани се предмет на истрага во моментов за што секојдневно се прибираат вербални и материјални докази кои меѓусебно се споредуваат. Јавното обвинителство апелира во текот на истрагата да не се шират непроверени информации кои можат да наштетат на постапката, но и дополнително да ја вознемират јавноста” рекоа од ОЈО.

Инаку, што се однесува до самата истрага, се уште се чека да се изработи обдукцискиот наод на убиените Вања и Панче.