Бежоска за „Еуростандард банка“: Народната банка немаше друг избор освен да ја одземе дозволата
Објавено во: Економија 13 Ноември, 2020
Одземањето на дозвола за работа на банка е една од најтешките одлуки за секоја централна банка, изјави денеска гувернерката на Народната банка, Анита Ангеловска-Бежоска на Надзорната расправа во Собранието.
Вели дека пред да се посегне кон ваква одлука се вложуваат максимални напори за изнаоѓање на поповолно решение.
„Но, од друга страна, централните банки не смеат да дозволат банка да работи спротивно на законските прописи доведувајки ја во прашање стабилноста на финансиски систем. По исцрпување на сите можности, дозволата за работа на „Еуростандард банка“ беше одземена заради констатирана несолвентност“, вели таа.
Додава дека поради преземање на повисоко ниво на ризик во работењето, Банката во подолг период била под засилен супериворски надзор.
„Постојано изрекувавме супервизорски мерки и го засилувавме интензитетот на супервизорскиот режим. За илустрација: во последните 8 години, изрековме околу 70 дополнителни супервизорски мерки, од кои околу 40 само во последниве 2 години. Со дел од мерките баравме уплата на дополнителен капитал, поаѓајќи од правилото дека поголемиот ризик, бара и поголем капитал за покривање на евентуални загуби. Банката и сопствениците покажуваа одредена респонзивност на изречените мерки, но за жал не доволна. Со вонтеренското следење, на почетокот на минатата година, супевизорските тимови утврдија повисок износ на неприкажани резервации, што резултираше Банката за првпат да се соочи со поткапитализираност, но не ниво на поткапитализираност кое би било основ за одземање на дозволата“, рече гувернерката.
Објасни дека изрекле мерка План за подобрување на состојбата со кој Банката и нејзините сопственици се обврзале на: признавање на загуби на товар на капиталот или т.н. „чистење“ на кредитното портфолио и уште побитно и паралелна докапитализација заради достигнување и одржување на потребниот капитал. Сопствениците се обврзаа дека ќе продолжат со дополнителни уплати на капитал и во 2020 година. Активностите за „чистење“ на портфолиото продолжија, но исполнувањето на обврската за уплатата на потребниот капитал за првата половина од оваа година, целосно изостана. Во втората половина на јуни, сопствениците, приложувајќи документ, писмено нѐ известија дека имаат потенцијален инвеститор, и побараа да му дадеме време за да направи длабинска анализа врз основа на која би ја донел одлуката за инвестирање. По интензивна, документирана комуникација, на почетокот на август, потенцијалниот инвеститор нѐ извести дека не е подготвен да го обезбеди вкупниот потребен капитал во потребната временска рамка. Притоа, тој исто така не ја достави потребната документација за да може да се оцени дали ги исполнува законските барања за акционер. Во вакви околности, Народната банка, немаше друг избор освен да ја одземе дозволата“, кажа Бежоска. И бизнисменот Трифун Костовски, сопственик на пропаднатата Еуростандард банка, беше денеска на надзорната расправа во Собранието за утврдување на причините кои доведоа до стечајот врз Еуростандард банка. Еден од пратениците од опозицијата го праша дали претходниот генерален директор на банката бил близок со високи функционери на Владата, на што Костовски рече дека веднаш ќе одговори со - да.
Можеби ќе ве интересира
„ЌЕ ГЛЕДАМЕ СЕКОЈ ДЕН КАКО ПРОПАЃА ПО ЕДНА БАНКА“:Милијардер има застрашувачки предвидувања за светската економија
РАСТ НА ТУРИСТИТЕ ВО КИНА - се повеќе се бараат услугите за изнајмување автомобили
KOJA E MИНИМАЛНАТА ПЛАТА ЗА КОЈА БИ РАБОТЕЛЕ: Што кога на интервју за работа ќе ви го постават ова прашање?
ПОРАДИ ЕНОРМНА ПОБАРУВАЧКА ОД РУРАЛНО ВО БИЗНИС СЕЛО - растечката индустрија на перики поттикна промени во источна Кина
ТОП 5: Продадоа најмногу струја во Македонија, двајца трговци се новоетаблирани од Албанија
КЕЛНЕРИ ВО ХРВАТСКА: Реална ли е платата од 2.000 евра?
НЕВРАБОТЕНОСТ ВО ЕУ: Koи земји се со најниска стапка?
РАСТАТ ЦЕНИТЕ И ВО УГОСТИТЕЛСТВОТО - најмногу поскапеле ноќевањата, но и храната во рестораните
