Берзата трајно ја исклучи Еуростандард банка од членство
Објавено во: Економија 13 Август, 2020
Берзата донесе одлука за исклучување на Еуростандард банка од членство од овој организиран пазар на капитал.
Берзата за тоа писмено извести преку својата веб страница.
„Ве известуваме дека врз основа на член 19 од Правилата за членство на Македонска берза АД Скопје, Одборот на директори на Берзата донесе Одлука за трајно исклучување од членство во Берзата на членката Еуростандард банка АД Скопје, согласно Решението број УП1 08-63 од 13.08.2020 година на Комисијата за хартии од вредност, со кое трајно се одзема дозволата за работа на членката Еуростандард банка АД Скопје. Одлуката за трајно исклучување од членство во Берзата на членката Еуростандард банка АД Скопје се применува од 13.08.2020 година“, соопшти Берзата.
Ова следува откако НБМ ја одзеде дозволата за работа на Еуростандард банка.
Фактор направи анализа за патот по кој се движеше банката формирана во 20001 година.