29 Ноември, 2020
0.0182

Македонска берза и КХВ: Тоа што ќе нема акционерски собранија ќе влијае на пазарот

Објавено во: Финансии 27 Март, 2020

Правната промена во делот на одржување на годишните собранија на акционери за време на вонредната состојба, со сите импликации што од тоа ќе произлезат за работењето на акционерските друштва, секако ќе има големо влијание на тргувањето со хартии од вредност на берзата, велат од Македонска берза за Фактор. Денеска во Службен весник излезе Уредбата со која Владата им вели на друштавата да не одржуваат годишни собранија за време на вонредната состојба, тема што ја објавивме вчера. Фактор побара одговор и од Комисијата за хартии од вредност од каде велат дека се свесни дека одложувањето на годишните собранија на акционерските друштва за времетрање на вонредната состојба кое се случува во услови на веќе закажани собранија може негативно да се одрази на континуитетот на работењето на друштвата. 

„Инвеститорите нема во најавените и очекувани тајминзи да ја добијат дивидендата, што е еден од основните мотиви за вложување во хартии од вредност. Сметаме дека ова ќе има одраз на вреднувањето на хартиите од вредност на компаниите што се тргуваат на берзата, а последователно и на пазарната динамика и осцилаторност.  Сето ова се надоврзува на другите новонастанати околности за домашниот пазар на хартии од вредност поради влијанијата на вирусот COVID-19, велат од Македонска берза 

Во одговорот од КХВ стои дека донесената Уредба е ценовно чувствителна информација. Затоа, откако била објавена во службен весник денеска, веднаш пред започнување на тргувањето ги известиле сите овластени учесници на пазарот и им укажале на обврските од Законот за хартии од вредност согласно кои брокерската куќа/дирекција за работа со хартии од вредност, е должна веднаш да го извести клиентот за сите околности од значење за одлучување на клиентот во врска со налогот за купување или продавање на хартии од вредност и/или други услуги кои треба да ги изврши, како и за ризиците во врска со вложувањето во хартии од вредност.

 „Комисијата за хартии од вредност е свесна дека одложувањето на годишните собранија на акционерските друштва за времетрање на вонредната состојба кое се случува во услови на веќе закажани собранија може негативно да се одрази на континуитетот на работењето на друштвата, кое пак влијае и се прелева врз пазарните состојби на берзата, но и врз очекувањата на инвеститорите кои своите вложувања во компаниите ги направиле, сметајќи ги како доходовни инвестиции од кои може да се очекува приход кој веројатно потоа би бил редистрибуиран. КХВ превзема се што е во нејзина надлежност и во вакви услови да обезбеди континуирано тргување со хартии од вредност на нашиот пазар, но истовремено укажува дека за да има тргување треба да има и релеватен информациски материјал кој друштвата меѓу останатото го црпат и од акционерските собранија, стои во одговорот од Комисијата.

А.Т.


Можеби ќе ве интересира

ШОКАНТНО ТВРДЕЊЕ НА ПЕТКОВСКИ - може да се наплатат 80 отсто од побарувањата, КОСТОВСКИ ПОРАЧА - остави хартиите, каде се парите бе човече

ШОКАНТНО ТВРДЕЊЕ НА ПЕТКОВСКИ - може да се наплатат 80 отсто од побарувањата, КОСТОВСКИ ПОРАЧА - остави хартиите, каде се парите бе човече

ЖЕСТОКО ВО СТУДИО: ПЕТКОВСКИ ДО КОСТОВСКИ - ништо во банката не беше направено без вас и вашиот син, како можете да кажете дека јас сум владеел

ЖЕСТОКО ВО СТУДИО: ПЕТКОВСКИ ДО КОСТОВСКИ - ништо во банката не беше направено без вас и вашиот син, како можете да кажете дека јас сум владеел

СЕ КОЛНАМ ВО СЕ НАЈМИЛО, НЕ СУМ ПОСЕГНАЛ ПО ТУЃО - Костовски вели дека во неговата банка имало криминал од 110, а не од 60 милиони евра

СЕ КОЛНАМ ВО СЕ НАЈМИЛО, НЕ СУМ ПОСЕГНАЛ ПО ТУЃО - Костовски вели дека во неговата банка имало криминал од 110, а не од 60 милиони евра

МУАРЕМИ ЗА ЕУРОСТАНДАРД - испитуваме злоупотреба на службена положба, перење пари, фалсификати, измами, блиску сме до утврдување кривична одговорност

МУАРЕМИ ЗА ЕУРОСТАНДАРД - испитуваме злоупотреба на службена положба, перење пари, фалсификати, измами, блиску сме до утврдување кривична одговорност

Гувернерката Бежоска потврди - нема да присуствува на вечерашната дебата, досега транспарентно известувале за случајот Еуростандард

Гувернерката Бежоска потврди - нема да присуствува на вечерашната дебата, досега транспарентно известувале за случајот Еуростандард

ВЕЧЕРВА ЖЕСТОКО ТЕЛЕВИЗИСКО СООЧУВАЊЕ - што ќе си кажат газдата и екс директорот на пропаднатата банка, сега најголеми непријатели

ВЕЧЕРВА ЖЕСТОКО ТЕЛЕВИЗИСКО СООЧУВАЊЕ - што ќе си кажат газдата и екс директорот на пропаднатата банка, сега најголеми непријатели

ДУРИ 100 МИЛИОНИ ЕВРА - замрзнати се имот, сметки и хартии од вредност на четворица, до каде ќе се размотува клопчето Еуростандард банка

ДУРИ 100 МИЛИОНИ ЕВРА - замрзнати се имот, сметки и хартии од вредност на четворица, до каде ќе се размотува клопчето Еуростандард банка

Промени во Одборот на директори на Триглав осигурување

Промени во Одборот на директори на Триглав осигурување

Промена во моќта: Доларот веќе не е водечка валута во светот

Промена во моќта: Доларот веќе не е водечка валута во светот