Бензините поскапуваат од полноќ
Објавено во: Економија 23 Мај, 2022
Од полноќ имаме нови цени на горивата.
Бензините поскапуваат за половина денар, а дизелот поевтинува за еден денар. Како што објави Регулаторната комисија за енергетика(РКЕ), Еуросупер БС-95 ќе се продава по цена од 95 денари за литар, а Еуросупер БС-98 по цена од 97 денари за литар. Новата цена на дизелот е 85 денари за литар. За пола денар се намалува цената на Екстра лесното масло за домаќинство кое од полноќ ќе се продава по цена од 83,5 денари за литар, а се зголемува малопродажната цена на мазутот која ќе изнесува 54,963 ден/кг.