Белградскиот аеродром „Никола Тесла“ оди на 25 годишна концесија
Објавено во: Економија 12 Февруари, 2017
Српската влад донесе одлука за давање на 25 годишна концесија за белградскиот и аеродром „Никола Тесла“. На овој начин се очекува владата годишно да инкасира околу 10 милиони евра од концесионерот, а ќе бара и големи вложувања во инфраструктурата.
Во огласот објавен на сајтот на аеродромот, е наведено дека концесијата се дава за финансирање, проширување и реконструкција, одржување и управување на инфраструктурата на аеродромот и вршење на операторска дејност.
Во тендерот не можат да учествуваат компании кои управуваат со аеродромите во радиус од 450 километри од Белград.