Бектеши: Не разговарам со Сојузот на стопански комори

Добивај вести на Viber

Министерот за економија, Крешник Бектеши, на денешната прес-конференција рече дека повеќе нема да разговара на маса со претставници на Сојузот на стопански комори, по апелот од страна на производителите државата да продолжи да ги субвенционира цените на производите со цел да нема поскапувања.

Министерот, одговарајќи на новинарско прашање, рече дека е многу лут на оваа комора затоа што нејзините членки не сакале да произведуваат леб по цена од 33 денари. Од таму реагираа и дека ќе поднесат тужба за отштета од 4,5 милиони евра.

- Во делот на Сојузот на стопански комори и нивниот сектор за производство на леб, јас сум кажал, додека е ова раководство, јас како министер за економија нема да седнам со нив да разговарам, но ќе разговарам со сите производители во државата, заради тоа што тое што требаше да ја почитуваат одлуката и да ги претставуваат сите членки, самите тие ги злоупотребуваат и ги лажат своите членови и работат надвор од законот, рече Бектеши.

Министерот рече дека до неговото министерство засега има само еден предлог од коморите - да се укинат сите царински давачки, што според Бектеши, тоа е неодржливо ниту краткорочно да се примени.