БЕГ: Се решава проблемот и се надеваме на позитивен исход и непрекинато снабдување со топлинска енергија
Објавено во: Економија 14 Јануари, 2022
И БЕГ и Владата на РСМ ги разработеа сите достапни сценарија за обезбедување на финансирање, сепак од објективни причини како единствено можно сценарио го гледаме член 33 од Законот за кризи, велат од БЕГ.
„Член 33 од Законот за кризи и дава на Владата на РСМ легална можност да обезбеди финансирање за потрошувачите на топлинска енергија и за ова не е потребно одземање на лиценците. Се уште се во тек преговори помеѓу БЕГ и Владата, во моментов се решава проблемот и се надеваме на позитивен исход и непрекинато снабдување со топлинска енергија“, додаваат од БЕГ.
Дали утре скопјани ќе се разбудат со студени радијатори, е прашање кое мачи околу 60 илјади домаќинства во земјава, кои, само за потсетување, уредно си ги плаќаат своите сметки за топлинска енергија.