БАРАЈТЕ РАБОТА ТАМУ: Градови каде платите се над 2000 долари
Објавено во: Економија 28 Мај, 2018
И овој мај Deutsche Bank го објави својот годишен извештај "Мапирање на светските цени", преку каталогизирање на трошоците за стоки и услуги во најголемите и најразвиените градови во светот.
За да се утврди цената на живот насекаде во светот, банката рзгледува секакви критериуми - од цената на кутија цигари до просечна цена за кирија за стан со две спални.
Еден од факторите кој банката го истражува, е колку заработуваат вработените во просек секој месец. Цифрата, од која се одземени даноците е удобен индикатор за богатството на еден град.
Во општи црти градовите кои се рангирана високо, се наоѓаат во северната хемисфера во развиените западни економии, но на листата влегуваат и некои развиени економии од јужната хемисфера како Австралија и Нов Зеланд, пренесува „Бизнис инсајдер“.
Не е изненадувачки, дека луѓето кои живеат во градовите, каде што трошоците за живот се повисоки, имаат повисоки плати. Финансиски центри како Лондон, Њујорк и Франкфурт се рангираат на предните позиции.
Платите во Франкфурт се зголемиле за над 200 долари месечно во текот на изминатата година, бидејќи банките планираат по Брегзит да ги преместат работниците со седиште во Лондон, токму во германската финансиска престолнина.
Врвот на листата е релативно непроменет во однос на минатата година, а четирите најголеми градови се исти како во 2017 година, иако со малку поинаков ред.
Погледнете ја листата на точно 28 градови низ светот, каде што просечната месечна плата е повисока од 2000 долари месечно, без даноци.
28. Виена, Австрија - 2425 долари
27. Ванкувер, Канада - 2458 долари
26. Брисел, Белгија - 2480 долари
25. Берлин, Германија - 2482 долари
24. Торонто, Канада - 2519 долари
23. Хонгконг - 2550 долари
22. Единбург, Шкотска - 2565 долари
21. Окленд, Нов Зеланд - 2723 долари
20. Даблин, Ирска - 2762 долари
19. Париз, Франција - 2886 долари
18. Велингтон, Нов Зеланд - 2946 долари
17. Хелсинки, Финска - 2988 долари
16. Стокхолм, Шведска - 2999 долари
15. Токио, Јапонија - 3004 долари
14. Амстердам, Холандија - 3058 долари
13. Сингапур - 3099 долари
12. Мелбурн, Австралија - 3263 долари
11. Лондон, Велика Британија - 3381 долари
10. Франкфурт, Германија - 3389 долари
9. Дубаи, ОАЕ – 3447 долари
8. Копенхаген, Данска– 3462 долари
7. Чикаго, САД– 3650 долари
6. Осло, Норвешка– 3664 долари
5. Бостон, САД – 3740 долари
4. Сиднеј, Австралија – 3914 долари
3. Њујорк – 4115 долари
2. Сан Франциско, САЩ – 4974 долари
1. Цирих, Швајцарија – 5764 долари