Азески бара кризен штаб: На компаниите им треба помош
Објавено во: Економија 20 Март, 2020
Стопанството активно ќе продолжи да ги следи мерките од Владата, но потребно е итно да се преземат и дополнителни мерки во корист на македонските компании. Претседателот на Стопанската комора Бранко Азески предлага да се формира кризен штаб во кој ќе бидат вклучени претставници од реалниот сектор и од државата која треба да ги стави сите ресурси на располагање на компаниите. Тврди дека ова е потребно бидејќи можно е сите да бидеме погодени од актуелната ситуација. Азески апелира побрзо да се воспостави зелен коридор кој ќе го поврзе Западен Балкан со земјите од Европската Унија.
Азески вчера присуствуваше и на работната средба која Стопанската комора на Македонија ја организираше помеѓу 20-те најголеми извозници во земјата и директорот на Царинската Управа Ѓоко Танасоски. Како еден од заклучоците беше и дека во моментов приоритет е што поитно да се ослободат коридорите за обезбедување на непречено движење на репроматеријалите, суровините и готовите извозни производи,
Она што ги засега стопанствениците се и актуелните состојби во автомобилската индустрија. Во моментов како резултат на затворањето на погоните од оваа индустрија ширум Европа и намалувањето на нарачките, најавено е застанување со производството на голем дел од капацитетите во нашата земја.
Вчера на средбата стопанствениците апелираа дека стопанството е соочено со еден од најголемите предизвици, и мора да се преземаат големи мерки, макар тие биле и нестандардни. Побараа да се реагира брзо за поддршка на целиот приватен сектор, а не само на секторите кои досега се погодени.
„И покрај поединечните проблеми со кои се соочуваат сите чинители на домашната економија, потребно е да се најде заедничко решение како да се зачуваат работниците, кои стопанството и онака тешко ги наоѓа, и максимално да се помогне во вакви услови во кои владее неизвесност и страв помеѓу луѓето. Моменталната ситуација на пазарот на труд ни налага дека мора по секоја цена да креираме мерки да ги зачуваме луѓето. Секојдневно треба да се следи ситуацијата и секојдневно да се доаѓа до нови решенија кои ќе одговараат на тековната ситуација, која се менува на дневно ниво. За одговор на овие предизвици мора да бидат ставени на располагање сите ресурси, порачаа стопанствениците од компаниите-најголеми извозници во македонската економија, сметаат извозниците.
А.Т.
Можеби ќе ве интересира
НИШТО ОД НАМАЛУВАЊЕТО НА КАМАТИТЕ? Еве кои се причините
ГОЛЕМ СКАНДАЛ ГО ТРЕСЕ ПОЗНАТИОТ ГИГАНТ! Истражувањата откриле повеќе шеќер и млеко во храната за бебиња испратена во сиромашните земји
ПРЕТСЕДАТЕЛОТ НА НАДЗОРНИОТ ОДБОР НА „МАКПЕТРОЛ“ КУПИЛ 14 АКЦИИ - еве колку е платен акционерскиот пакет
ДИРЕКТОР НА СКОПСКА ФИРМА ПОДНЕСЕ НЕОТПОВИКЛИВА ОСТАВКА ПО ГОДИНА И ПОЛОВИНА МЕНАЏИРАЊЕ - промени во раководството на „РЖ Интертрансшпед“
ИМ ЗДОСАДИЛЕ ВИСОКИТЕ СМЕТКИ ЗА СТРУЈА, ПА РЕШИЛЕ САМИ ДА ПРОИЗВЕДУВААТ: Еве како изгледа енергетска заедница на група Грци
КРАЈ НА „ПРАВИЛАТА НА САМО ЕДЕН ЧОВЕК“ - тајвански гигант го воведе системот на ротирачки директори
ЗА ОВАА РАБОТА ВО ГЕРМАНИЈА, ПЛАТА ОД 2.500 ЕВРА - обезбедени сместување и храна, а ЕУ пасош не ви е потребен
ЛАНИ „ИЗМЕСИЈА“ ФАНТАСТИЧЕН ПРОФИТ, АМА СО НЕГО ЌЕ ПОКРИВААТ СТАРИ МИНУСИ - кои се акционерите што нема да добијат дивиденда од најголемиот производител на леб
НЕМА НАДЕЖ ЗА ПОДОБРИ ПЕРФОРМАНСИ: домашната економија се бори со „институционални кочници“, потребни се структурни реформи
