Добивај вести на Viber
Александар Пандов, претседателот на Патриотскиот институт на ВМРО-ДПМНЕ, кој најави формирање на ножни стражи за чување на гробот на Гоце Делчев пред утрешното одбележување на 151-годишнината од раѓањето, му порача на министерот за внатрешни работи Оливер Спасовски дека прави се да има што помалку посетеност утре пред моштите на деецот.
Според Пандов, Спасовски „повеќе се занимава како да ги одвлече Македонците од посета на местоито на настанот, отколку гостите од Бугарија кои имаат намера да провоцираат“.
- Гледам дека Спасовски прилично многу се занимава со Македонците, а многу помалку со оние кои имаат задни намери и доаѓаат на ексзурзии од Бугарија со задни намери. Искрено очекував да каже кои се тие агентурни мрежи и нечисти пари со кои се финансираат бугарските клубови, но тој повеќе се занимава со патриотите.
Па да одговорам...
Да не беше повикот на Патриотскиот институт „Гоце Делчев“ и утре МВР ќе чуваше џамбази и други пробисвети кои ќе лаеа дека Македонија била бугарска. Спасовски да си ја гледа работата и да не прави коалиции со неофашистите од Бугарија, тие се проблем за државата, а не патриотите кои нема да дозволат сквернавење на македонското достоинство, херои, историја и идентитет, реагира Пандов на социјалните мрежи.