Арсовска обвини дека добила закана од Мицкоски дека со неа ќе го бришат подот

Добивај вести на Viber

Скопската градоначалничка Данела Арсовска во Само интервју вечерва кажа дека она што излегло од една политичка кујна е лага. 

Имала една јавна средба со премиерот Димитар Ковачевски, каде биле присутни и други градоначалници. 

„Зошто би размислувала за такво нешто“, праша Арсовска за тоа дали би се повлекла од функцијата.

Вели дека имала закани од еден исти центар и кажа дека со истото се соочиле повеќе лица. 

„Јас да, сум имала закани од Христијан Мицкоски и тоа конкретно, лично и директно. Кога ќе бидам премиер, ќе те влечеме по улиците, ќе го бришеме подот со тебе“, рече Арсовска. 

За Мицкоски рече дека ако сакал да биде градоначалник, можел да излезе пред граѓаните и да види дали ќе добие доверба. 

Таа изјави дека останува на ветувањето за бесплатен превоз за граѓаните. Таа не смета дека ова е невозможно. Признава дека програмата била амбициозна. 

Таа наведе дека јавното сообраќајно претпријатије е девастирано и тоа не е од сега. Арсовска вели дека се направила фама за доцнење на плати од 3 дена и со тоа бил блокиран превозот во Скопје. Тврди дека и за тоа има политички мотиви, затоа што како што рече имало институции каде подолго време доцнеле плати, па не се кренала фама.