07 Јули, 2020
0.0313

Анализата е готова: Министерството за финансии не го прифати предлогот за изедначување на акцизата за екстралесното гориво со дизелот

Објавено во: Економија 02 Јуни, 2020

Министерството за финансии по повеќе од еден месец ќе донесе одлука за предлогот за изедначување на акцизата на екстралесното гориво со дизелот.

Иако Стопанската комора имаше иницијатива за изедначување на акцизата на екстралесното гориво со дизелот, а тоа го поддржаа и дистрибутерите на нафта и нафтени деривати во државата, министерството за финансии одлучи контра нив, да се оди на изедначување на квалитетот на екстралесното со тој на дизелот.

Логично се подига прашањето како ќе се откриваат злоупотребите со „црвената нафта“ по ваква регулација? Познато е дека и покрај тоа што ова гориво е забрането за точење од 15 април до 15 октомври, сепак потрошувачката во нашата држава и во тој период не спласнува. Можеби надлежните признаваат дека немаат ниту капацитет, ниту волја да го направат тоа, па затоа се презема овој чекор преку кој полесно ќе се затскрие нивната инертност за оваа тема?!

Дали проблемот ќе прерасне во уште поголем, сега кога ќе имаме едно гориво со различна акциза и цена. Како државата ќе го контролира користењето на ова гориво, дали ќе има правила кој смее да го користи?

За овие проблеми алармираше Регулаторната комисија за енергетика која го поддржа предлогот за изедначување на акцизите, но тој не помина во Министерството за финансии.

„Изедначувањето на  акцизата на екстралесното гориво со дизелот ќе биде од корист на сите, имајќи во предвид дека со злоупотребата на екстралесното гориво некаде во Буџетот на државата недостасуваат околу 30 милиони евра“ – кажа Бислимовски. 

Да потсетиме, екстралесното гориво во моментов има многу пониска акциза во однос на дизелот и од тие причини на некој начин се случуваат злоупотреби, бидејќи се користи за транспортни цели.

Дизелот и екстралесното гориво освен разликата во акцизата и цената се разликуваат и во техничките карактеристики кои се однесуваат на нивната чистота и согорување.

Додека од пониската акциза на екстралесното гориво што се троши како дизел за транспорт државата губи повеќе од 11 денари по литар, при согорувањето екстра лесното загадува 100 пати повеќе од дизелот, бидејќи содржи 100 пати повеќе сулфур на еден литар гориво.

Ваква пракса на „изедначување на квалитетот“ е непозната во ниедна европска земја, па затоа е и нејасно што државата предвидува да се постигне со овој потег.

Останува да видиме дали надлежните ќе смогнат сили за кратко време да го донесат новиот правилникот за квалитет на течните горива, кој не е променет цели две години, иако многумина велеа дека истото е повеќе од потребно.

Можеме да заклучиме дека многу прашања по оваа тема останаа неодговорени што отвара многу врати на сомнежи околу тоа чии интереси застапува државата, и дали истите се правилни?

Можеби ќе ве интересира

Кои се битолските милионери?

Кои се битолските милионери?

БЕРБА ПОД МАСКИ: Овоштарите се плашат дека нема да можат да најдат сезонци

БЕРБА ПОД МАСКИ: Овоштарите се плашат дека нема да можат да најдат сезонци

Macedonia Timeless укинато уште пред три години, за ребрендирањето ќе се чека нов владин мандат

Macedonia Timeless укинато уште пред три години, за ребрендирањето ќе се чека нов владин мандат

Забавени се нарачките за германските фабрики

Забавени се нарачките за германските фабрики

СЕВЕРНА И ЈУЖНА АМЕРИКА ЌЕ БИДАТ НАЈПОГОДЕНИ: Пандемијата ќе „скрати“ 400 милиони работни места

СЕВЕРНА И ЈУЖНА АМЕРИКА ЌЕ БИДАТ НАЈПОГОДЕНИ: Пандемијата ќе „скрати“ 400 милиони работни места

Скокнаа цените на угостителските услуги, но има еден исклучок

Скокнаа цените на угостителските услуги, но има еден исклучок

ЗАКАНА ЗА ЕКОНОМИЈАТА: Германија ќе достигне невработеност од 10 отсто?

ЗАКАНА ЗА ЕКОНОМИЈАТА: Германија ќе достигне невработеност од 10 отсто?

Чудно толкување на Град Скопје: Нема илјада евра субвенција за инвертер ако си се греел претходно на струја

Чудно толкување на Град Скопје: Нема илјада евра субвенција за инвертер ако си се греел претходно на струја

Сугарески: Тоа што го мислам за Охрид, го мислам и за Струга

Сугарески: Тоа што го мислам за Охрид, го мислам и за Струга