АМЕРИКАНСКИ НОВИНАР ГО ПРАША ПУТИН ЗА СМРТТА НА НАВАЛНИ - прв пат јавно го кажа неговото име (ВИДЕО)
Објавено во: Свет 18 Март, 2024
Рускиот претседател Владимир Путин по победата на изборите одржа пресконференција со медиумите, меѓу кои имаше и странски новинари, а токму тие, меѓу кои и американски новинари, ги поставија најинтригантните прашања.
Едно од нив, беше за неодамна починатиот опозиционер Алексеј Навални, поточно за тоа дека имало план тој да биде ослободен и испратен во некоја од западните земји како размена на затвореници.
Реизбраниот претседател на Руската Федерација Владимир Путин изјави дека бил информиран за идејата да го ослободи од затвор неговиот главен опозиционер Алексеј Навални, неколку дена пред неговата смрт.
Тој истакна дека се согласил со идејата, но само под услов Навални никогаш повеќе да не се врати во Русија. Воедно рускиот лидер додаде дека е „тажно“ кога некој ќе почине.
На прашањето на новинарот на Ен-Би-Си дали смртта е природна, Путин одговори:
„Тоа е живот... Господинот Навални умре и тоа е секогаш тажно, но сме имале и други инциденти кога други луѓе во затворите умреа. Дали ова се случува во САД? Тоа се случи, во неколку случаи.
Можам да ви кажам една работа - неколку дена пред да почине господинот Навални, некои луѓе, кои не се дел од администрацијата ми рекоа дека има идеја за замена на Навални со некој што бил зад решетки во западните земји.
Тој човек не престана ни да зборува, а јас реков дека сум за и се согласив. За жал, тоа што се случи, се случи. Единствениот услов за него беше никогаш да не се врати, ако отиде некаде, останува таму. Но работите се случуваат и ништо не можете да направите за тоа. Тоа е животот.
Ако сакате да го слушнете мојот живот, дали изборите се демократски, мислам дека се и се Дали во вашата земја може да сметаме дека е демократско да се користат владини средства за напад на еден од претседателските кандидати на изборите во САД?
„Немаме симпатии за ниту еден од кандидатите во Америка, ќе работиме со кој ќе ја добие довербата од целиот народ, но станува смешно што се користат владини апарати и станува срамно за вашиот демократски систем“, рече Путин. .
Притоа, тој директно и се обратил на американскиот новинар.
„Ти си единствениот што беше доволно храбар да дојде овде и верувам дека не ти беше удобно да ги слушаш моите одговори, но твоето доаѓање сугерира дека не е сè изгубено за Соединетите држави“.
“Sei l’unico coraggioso a venire qui. Ciò suggerisce che non tutto è perduto per gli #StatiUniti”.#Putin ha preso in giro l'unico giornalista americano della #NBC News presente alla conferenza stampa. pic.twitter.com/Vj6mIVPzp4
— Semplicemente_io (@Svetlana560798) March 17, 2024
Навални, кој водеше кампања против официјалната корупција и водеше големи протести против Кремљ, почина минатиот месец во затвор на Арктикот на 47-годишна возраст. Неговата смрт предизвика низа прашања и обвинувања, вклучително и како починал и што е најважно, кој, ако некој, е одговорен.
Неколку западни лидери, како и сопругата на Навални Јулиј, цврсто го вперија прстот во правец на Кремљ. Кремљ негираше каква било вмешаност во смртта на Навални.
Фото: Принтскрин/Твитер