АмЧам Македонија – Успешната соработка со државните институции продолжува во делот на јакнење на капацитетите и заштита на интелектуалната сопственост
Објавено во: Мои пари 28 Април, 2015
Во чест на одбележувањето на 26 април – Светскиот ден на интелектуална сопственост, Американската стопанска комора во Македонија (АмЧам Македонија), во соработка со нејзиниот Комитет за заштита на правата од интелектуална сопственост (ПИС), денеска (28 април 2015г.) организираше работилница наменета за инспекторите од Државен пазарен инспекторат (ДПИ) и Министерството за внатрешни работи (МВР) - Сектор за економски криминал. Целта на работилницата беше подигнување на свеста на инспекторите од овие две државни институции, за да го насочат своето внимание и кон заштитата на ПИС како дел од нивната работа.
Работилницата започна со кратко обраќање на г-дин Кирил Миноски, Директор на ДПИ кој посочи дека “Заштита на ПИС го подобрува деловното опкружување во земјата, создавајќи подобри услови на пазарот. Во текот на 2014 година, ДПИ спроведе околу 70 акции постапувајќи по Законот за ИС. Јакнењето на капацитетите на сите инволвирани страни е пресудно за ефикасно спроведување на законите. Поради ова, во текот на оваа година ДПИ планира низа на активности и обуки поврзани со заштитата на ПИС“. Билјана Јанева, Претседател на АмЧам Комитетот за ПИС укажа дека „Без ефикасна заштита на ПИС, компаниите немаат причина да одвојат капитал или креативна енергија за развивање на нови производи или услуги. Неопходно е целосна и конзистентна имплементација на македонската легислатива која ја штити интелектуалната сопственост“.
Потоа следеа низа на презентации од членови на Комитетот и претставници од компаниите членки кои преку практични примери и разработени формулари се обидоа на присутните да им ги пренесат своите предлози и искуства, со цел изнаоѓање на заеднички решенија кои ќе овозможат поефикасна заштита на правата од интелектуална сопственост.
Во изминатите 6 години, Комитетот за права од интелектуална сопственост (ПИС) при АмЧам Македонија помогна да се поттикне заштитата на ПИС преку поддржување на унапредувањето на политиките од ПИС областа како и преку разни едукативни настани, обуки и настани за споделување на информации за сите групи и институции инволвирани во заштитата на ПИС како што се судиите, обвинителите, пазарните инспектори, цариниците и полициските инспектори ширум земјата.
Можеби ќе ве интересира
БИМИЛК во Битола го носи д-р Ранко Рајовиќ за да го одбележи Светскиот ден на семејството
Караванот „Не е до нив, до тебе е“ денеска патува до својата крајна станица – Drunken Monkeys
АПРИЛ ВОЗБУДЛИВ ЗА ИГРАЧИТЕ НА ВЛТ: ВИДЕОЛОТАРИЈА КАСИНОС АВСТРИЈА ИМ ИСПЛАТИ НА ИГРАЧИТЕ ФАНТАСТИЧНИ 46.238.549 ДЕНАРИ
Регионална кампања „Вистината е важна“ за опасностите кои ги носат дезинформациите и говорот на омраза
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
