Албански подарок за Скопје и Подгорица, за што се работи?
Објавено во: Балкан 15 Мај, 2019
Владата во Тирана одлучи дека Албанците од Северна Македонија и од Црна Гора можат да работат во Албанија без дозвола за работа.
Ваква одлука е донесена од Владата на премиерот, Еди Рама на седницата одржана на 10 мај, според подгорички „Вијести“.
„Албанците од Северна Македонија и од Црна Гора уживаат право на вработување како и албанските државјани, освен кога вработувањето конкретно се однесува на албанско државјанство, во согласност со важечките закони”, се наведува во одлуката на албанската влада.
Истата одлука претходно ја донесе албанската влада за Албанците од Косово и од југот на централна Србија.