Албанија притисната од ЕУ со нов закон за малцинства, каде е македонското?
Објавено во: Балкан 13 Април, 2017
Албанија притисната од Европската унија е на чекор од носење нов закон за заштита на националните малцинства во земјата, кој набрзо треба да се најде на дневен ред на Парламентот. Закон кон ги опишува правата на малцинствата за прв пат се носи во Албанија, па затоа и истиот не е совршен. Инаку со него се опфатени и Македонците, но нивната положба во Албанија нема да се смени преку ноќ.
Во член 3 од Законот пишува дека за национални малцинства во Албанија се сметаат: Грците, Македонците, Власите, Ромите, Египќаните, Црногорците, Бошњаците и Србите.
- Овој закон го регулира остварувањето на правата на припадниците на националните малцинства во Република Албанија, во согласност со одредбите од Уставот на Република Албанија, Рамковната конвенција на Советот на Европа за заштита на националните малцинства, ратификувана во 1999, и меѓународните договори од областа на човековите права. Припадниците на малцинставата треба ди ги почитуваат правната држава, територијалната целовитост и суверенитетот на Република Албанија, се наведува меѓудругото во текстот на Предлог-законот.
Со законот се гарантира претставување и негување на нивните културни, етнички, јазични и верски карактеристи и традиции, како и право во идентифкација, образование…
Како што понатаму стопи во во член 3 од законот, формалното признавање на националните малцинства сега се прави со закон, на иницијатива на Владата и по предлог на министерот за внатрешни работи, а врз основа на барања на претставници на малцинствата.
Засега нема реакции од малцинствата околу Предлог-законот, односно колку тие за задоволни од истиот и дали имаат суштински забелешки.