Албанците протестираа во Лондон по навредата дека „пристигнуваат со чамци“
Објавено во: Свет 12 Ноември, 2022
Албанската заедница во Англија денес започна протест на мостот Вестминстер, во близина на парламентот.
Секретарката за внатрешни работи Суела Браверман како пример во парламентот на Велика Британија ги спомена само Албанците „кои пристигнуваат со гумени чамци“, а не и останатите 11 националности од околу 40.000 луѓе кои годинава пристигнале на англискиот брег.
Декларацијата на Бреверман за „инвазија“ на Албанците потоа беше засилена од медиумите во Англија, кои имаат уредувачка политика против имигрантите.
Пораката што Албанците во Англија сакаат да ја пренесат на овој протест на мостот Вестминстер е дека тие не се криминалци, туку даночни обврзници и придонесувачи во британското општество.