АКЦИЈА ВО СЕВЕРНО КОСОВО: Затворени се пет паралелни српски општини
Објавено во: Балкан 31 Август, 2024
Повторно имаше инциденти на Косово. Koсовската полиција направи акција на северот каде се затворени паралелните српски општини. На ова реагираа Србите и велат дека се плашат.
Косовската полиција објави дека спровела акција за затворање на објекти користени од паралелни структури управувани од властите во Србија во косовските општини на северот од државата, населен со мнозинско српско населени, јави дописникот на МИА од Приштина.
Министерот за локална самоуправа во косовската Влада, Елберт Красниќи кажа дека се затворени пет паралелни општини.
Красниќи на неговата страница на Фејсбук напиша дека сега веќе нема да функционираат паралелните општини: Округ Косовска Митровица, паралелната општина Митровица, како и општините Звечан, Зубин Поток и Лепосавиќ.
„Денеска, по блиска координација меѓу институциите на Република Косово, затворени се паралелните нелегални институции на локалната самоуправа, кои работеа по директиви на Србија, кршејќи ја уставноста и законите на Република Косово“, напиша Красниќи.
Косовскиот министер, кој доаѓа од редовите на партиите на немнозинските заедници во Косово, изјави дека „институциите на Република Косово нудат услуги за сите граѓани, без разлика на нивната припадност.
„Во ниту еден простор на нашата Република нема место за незаконско работење и паралелни служби“, порача Красниќи.
Заменик-директорот на полицијата за северниот регион, Ветон Елшани изјави дека во канцелариите кои денеска се затворени се издавале фалсификувани документи.Српскиот политичар Александар Арсенијевиќ изјави дека српските граѓани се плашат од присуството на косовската полиција. Амбасадата на САД го осуди упадот.
Косовските власти пред неколку месеци затворија други седум паралелни општини: во Призрен, Пеќ, Сува Река, Исток, Клина, Раховец и Драгаш.
Косово и Србија никако да ги нормализираат односите. Претставникот на Европската унија за дијалогот меѓу Косово и Србија, Мирослав Лајчак смета дека постои ризик од дестабилизација на Западен Балкан, доколку страните не се вклучат во дијалогот и продолжат да преземаат некоординирани и итни активности. Србите бараат формирање на Заедница на српски општини, но тоа досега не се случи.
Можеби ќе ве интересира
ПЛАСТИКА, АПАРАТИ ЗА ДОМАЌИНСТВО, ГРАДЕЖНИ МАТЕРИЈАЛИ: По поплавите Неретва е полна со смет
„СЕ ЧУВСТВУВАВ ОТФРЛЕН, ЗАТОА ГИ УБИВ, ДОНЕСОВ ПИШТОЛ НО НЕ БЕВ СИГУРЕН ДЕКА ЌЕ ПУКАМ“: Хаос во судницата каде што сведочи Коста Кецмановиќ
МОМЧЕТО УБИЕЦ СЕ СОГЛАСИ ДА СВЕДОЧИ ПРОТИВ РОДИТЕЛИТЕ: Почна судењето во Специјалниот суд за масакрот во „Рибникар“
КАТАСТРОФАТА ВО ЈАБЛАНИЦА НЕ Е ПРЕДИЗВИКАНА САМО ОД НЕВРЕМЕТО: Диви каменоломи придонесоа за трагедијата?
САЛАМА НА ПОЗНАТ ПРОИЗВОДИТЕЛ ПОВЛЕЧЕНА ОД ПАЗАРОТ ВО ХРВАТСКА - пронајдена опасна бактерија
ОВА Е КАТАСТРОФА: Див каменолом една од можните причини за апокалиптичните поплави во Јабаница?
(ВИДЕО) ТИРАНА „ГОРИ“: Насилни протести, фрлаа молотови коктели кон канцеларијата на Рама
СНЕМАЛО СТРУЈА, ЅИДОВИТЕ ПОЧНАЛЕ ДА ПАЃААТ: Босанец ја загуби бремената сопруга во поплавата
(ФОТО) МОСТОТ УНИШТЕН, А СЕЛОТО ПОДЕЛЕНО НА ТРИ ДЕЛА: Мештани и туристи се отсечени во делови од Црна Гора
