АГЕЛЕР МУ ПОНУДИ ПОМОШ НА МИЦКОСКИ: Марта Кос изрази сочувство за трагедијата во Кочани
Објавено во: Македонија 16 Март, 2025 10:10
Амбасадорката на САД, Анџела Агелер, изрази сочувство на семејствата на настраданите во пожарот во дискотеката „Пулс“ во Кочани, а на премиерот Христијан Мицкоски му понуди помош.
„Срцето ми се кине за многуте жртви во синоќешниот пожар во ноќен клуб во Кочани. Нашето најдлабоко сочувство за жртвите и нивните најблиски во ова страшно време, а на повредените им посакуваме брзо закрепнување. Загубата на толку многу млади животи во една заедница е страшна трагедија. На премиерот Христијан Мицкоски му понудив помош и сите ресурси на Амбасадата на САД, како и нашите молитви за сите оние кои страдаат денес“, напиша Агелер.
Еврокомесарката за проширување Марта Кос изрази „длабока тага“ поради трагедијата во Кочани и упати сочувство за жртвите.
„Длабоко натажени од трагичниот пожар во Кочани, Северна Македонија, кој однесе животи на премногу млади луѓе“, наведе Кос во објава на Икс.
Изразувајќи сочувство за загинатите, Кос наведува дека нејзините мисли се „со жртвите, нивните најблиски и целата заедница за време на оваа страшна трагедија!“.
Најмалку 51 лице загина, а над 100 се повредени во пожар што се случи синоќа во дискотека во Кочани.
Можеби ќе ве интересира
ИМА НОВА ПРЕСМЕТКА: Љутков кажа кога вработените во култура ќе добијат плата
ТЕКСТОТ ТРЕБА ДА БИДЕ НА ТРИ ЈАЗИЦИ: Собранието наскоро ќе има ново лого
КРАЖБА ВО ДОМОТ НА ФАТМИР БИТИЌИ: Тој потврди дека е одземен сеф
ЈАХОСКИ ОСТАНУВА ВО ПРИТВОР: Две милиони евра не беа доволни за да излезе од Шутка
ГРАЃАНИ И ФИРМИ, ВНИМАВАЈТЕ КОГА ВЕ ВИКААТ ЗА НАВОДНА ИСТРАГА, ИМА МНОГУ ЛАЖНИ ПОКАНИ - најново предупредување за измами од МВР
РЕК Битола се справува со лебдечката пепел, ќе вклучи и водени топови
Газдата на „Пуцко Петрол“ излегува од притвор ако даде парична гаранција
За Велигден без плата, протест пред Министерството за култура
Француски туристи тешко повредени на патот Кичево - Охрид
