АДВОКАТОТ СТОЈКОВ: На Палевски за три години му позајмив 20.000 евра
Објавено во: Македонија 13 Ноември, 2024
Адвокатот Васко Стојков денеска во судот објасни како го однел со возило првообвинетиот за двојното убиство на Вања и Панче, Љупчо Палевски во Белград.
Детално раскажа каде бил на 30 ноември 2023 година.
„Бев дома утрото, а потоа заминав во Белград со Љупчо Палевски. Утрото околу 8.30 часот ми се јави Палевски, дали знам нотар што работи во четврток, кој беше неработен ден. Реков дека не знам. Ме викна во партија на кафе, таму ме чекаше Влатко Кешишев, ми рече Палчо не е тука, ајде да одиме кај него. Влезе во колата, тргнавме накај Аеродром, кон Фондот за пензиско, и таму влеговме во еден стан каде беше Палевски. Во станот беше уште едно лице кое не го познавам. Таму прво коментиравме околу самата зграда, па зборувавме зошто му е нотар. Рече дека сака да оди прво до Белград, а потоа до Турција на лекар, но дека нема кола за преку граница, дека нема полномошно од нотар да го вози надвор од граница возилото на партијата, а тоа беше комбе „фиат добло“. Му реков дека јас можам да го однесам“, додаде адвокатот.
Тој објасни дека со Палевски се познава од 2016 година. Прво биле познаници, па почнале повеќе да се дружат и станале пријатели. Имале релации преку партијата, но и приватни.
„Палевски во одредено време имаше потреба од пари. Му се извршуваше нешто, требаше стан да му извршат, му позајмив пари, не се изврши станот, после тој го продаде и ми ги врати парите. За три години му позајмив 20.000 евра“, рече Стојков.
Палевски му кажал на адвокатот дека е во Турција, додека тој бил во полиција.
Објасни дека имале доверба еден во друг. Распитот на сведоци за убиството на Вања и на Панче продолжува во петок, на 15 ноември, кога се очекува да сведочи Гоце Трајковски, кој помогнал да се обезбедат снимките од камерите.Вања Ѓорчевска која имаше само 14 години и велешанецот Панче Жежовски, кои беа пријавени за исчезнати на 27 и 24 ноември, беа пронајдени мртви во близина на Скопје, односно Велес на 3 декември лани. Турската полиција го уапси Палевски во градот Баликесир.
Можеби ќе ве интересира
„МИЦКОСКИ ИМАШЕ СРЕДБИ СО ЛУЃЕ СО БИТНО ВЛИЈАНИЕ ЗА МАКЕДОНСКИТЕ ИНТЕРЕСИ ПОВЕЌЕ ОД СИТЕ ВЛАДИ НА СДСМ“: „А Таче не се брои, пошто е битен ко семафор на пешачки во Чаир“ - Латас распали
САРАЕВО Е ПРВО: Скопје е 11-ти најзагаден град во светот
„ЕУРОЊУЗ“: Македонија има најзагаден воздух во Европа - кои држави се во иста група?
ИЗМАМЕН ТЕТОВЧАНЕЦ: Му ветиле 17.000 долари, а останал без пари
ПОЧИНА ДОАЈЕНОТ НА МАКЕДОНСКОТО СПИКЕРСТВО, СНЕЖАНА ЛИПКОВСКА: Прерпознатлива во цела бивша Југославија по зелените очи и моќниот глас
ИМА ВЕРБА ДЕКА МВР ЌЕ ГИ ОТКРИЕ СТОРИТЕЛИТЕ - сопственичката на бутикот што изгоре во Карпош се заблагодарува за поддршката
ЛЕКОВИ, ИНСУЛИНСКИ ИГЛИ, КЛУЧЕВИ ЗА АВТОМОБИЛИ, ОБЛЕКА - цариниците со „полни раце работа“, еве што се заплениле
Села: Зошто Мицкоски и функционерите од „Вреди“ не ги покажат поканите од инаугурацијата?
СЕ БОРИМЕ СО БРИСЕЛ, БЕРЛИН, ПАРИЗ, ЛОНДОН...НАШИОТ ГЛАС Е СЀ ПОСИЛЕН: Мицкоски уште еднаш се огласи од САД, се сретна со близок соработник на Трамп
