6-ти Годишен САМИТ100 на бизнис лидери од Југоистична Европа
Објавено во: Мои пари 03 Октомври, 2017
САМИТ100 на Бизнис лидери од Југоисточна Европа со гордост го најавува 6-тиот годишен самит кој на 16 и 17 октомври ќе се одржи во Скопје.
По успешната траекторија преку Србија, Црна Гора, Хрватска, Словенија и Босна и Херцеговина, оваа година САМИТ100 се сели јужно во реномираниот Скопје Мериот Хотел, каде на едно место ќе се соберат околу 150 еминентни бизнис лидери од целиот ЈИЕ регион чија примарна цел е да се изнајдат конкретни идеи, проекти и предлози за подобрување на поврзаноста во регионот од сите економски и општествени аспекти.Основан во 2011, САМИТ100 е уникатна бизнис иницијатива која на едно место ги собира клучните бизнис лидери од ЈИЕ регионот, со цел да ја поттикне бизнис заедницата од целиот регион да преземе одговорност за бизнис и економска интеграција, а преку тоа и да ја подобри конкурентноста на националните и регионалните економии и обезбеди подобар квалитет на живот за сите граѓани од овој дел на Европа.
За време на минатите настани, САМИТ100 процени дека во ЈИЕ регионот се потребни инвестиции и подобрувања во повеќе области, како инфраструктура, транспорт, енергетика, дигитализација, брендирање на регионот, подобрување на мобилноста на работната сила, слободно движење на стоки и услуги итн.
Во согласност со овие заклучоци, клучниот збор на овогодинешното издание на САМИТ100 ќе биде “CONNECTIVITY” („ПОВРЗУВАЊЕ“), а главен гостин ќе биде Еврокомесарот за транспорт,Г-а Виолета Булц.
На овогодинешниот САМИТ100 ќе бидат присутни реномирани претставници од бизнис секторот, како БМВ, АСА Груп, Хидриа, Горење, Алкалоид АД Скопје, Атлас Корпорација итн., како и претставници од реномирани интернационални институции како Европската банка за обнова и развој (ЕБОР), Меѓународната финансиска корпорација (ИФЦ), Европската инвестициона банка (ЕИБ), Светската банкаи многу други.
Целта на иницијативата САМИТ100 е да се позиционира регионалната соработка високо на агендата на секоја влада во регионот, поттикнувајќи специфични прашања и целејќи да постигне „Нов договор за новата ера“ кој ќе ја подобри конкурентноста на националните економии и ќе го зајакне потенцијалот на Југоисточна Европа.
САМИТ100 прерасна во силен бренд на регионална бизнис соработка и важна платформа за размена на идеи и поттикнување на програми за развој преку кои регионот на ЈИЕ доаѓа чекор поблиску до силна бизнис заедница, која генерира висок економски раст и креира подобар квалитет на живот за сите луѓе од Југоисточна Европа. Неговата визија е преку конструктивна соработка регионот на ЈИЕ да стане еден од најиновативните и најконкурентни во светот.