33.265 ДЕНАРИ: Toлку чини синдикалната минимална кошница
Објавено во: Економија 07 Август, 2020
На четиричлено семејство во јули му биле потребни повеќе од 33.000 денари за основни потреби.
Точната сума е 33.265 денари за задоволување на основните месечни потреби.
Според синдикалната минимална кошница, најмногу пари се потребни за храна и пијалоци. За оваа намена се трошат 14.064 денари, а за плаќање на режиските трошоци се одвојуваат 10.444 денари. За превоз се потребни 2.466 денари, а за одржување на хигиена 2.369 денари.
За облека и обувки се одвојуваат 2.142 денари, а за културни активности 1.066 денари.
Во меѓувреме во Македонија за 7.5 отсто се зголеми цената на струјата.
Најголемиот синдикат во земјава бара регулаторите да ја преиспитаат одлуката за зголемување на цената на струјата.Сметаат дека повисоката цена лошо ќе се одрази врз животниот стандард.
Ако остане цената, бараат покачување на платите и пензиите.