31 милион евра завршиле на сметки на странски медиуми за реклами, домашните се офајдиле со 12,5 милиони евра

Добивај вести на Viber

За да привлече странски инвестиции претходната влада потрошила над 130 милиони евра за десет години.

Над 31 милион евра за реклами во странски медиуми дала владата на Груевски, додека домашните медиуми се офајдиле со 12,5 милиони евра.

Ова денеска го соопшти портпаролот на Владата Миле Бошњаковски презентирајќи го вториот дел од анализата за тоа колку поранешната влада потрошила во периодот од 10 години за привлекување странски директни инвестиции.

Портпаролот запраша на кој начин македонските медиуми ги привлекувале странските инвеститори и за што им е исплатена таа сума.

5,6 милиони евра се потрошени од  министрите без ресор и екс премиерот за роуд шоуа.

„Економските промотори чија улога никогаш не беше јавно и транспарентно објаснета и беше во конфликт со македонската дипломатија, ги чинеле граѓаните на Република Македонија цели 12,5 милиони евра“ - рече Бошњаковски.

Според него, во овој дел на анализата особено се истакнува бројката за дополнителни приходи, станарини, закуп и друго, на министрите без ресор кои биле задолжени за странски инвестиции. Станува збор, како што кажа Бошњаковски, за сума од 2,8 милиони евра кои на министрите без ресор задолжени за странски инвестиции им биле исплатени како доплнителни бенифиции надвор од месечната бруто блата.

Бошњаковски појасни дека се работи за станарини, закупи, промотивни материјали... во Македонија.

Во првиот извештај надлежните соопштија дека вкупно 225 милиони евра се потрошени за влез на 25 странски компании.