ОРЦЕ СЕ ПОФАЛИ: Приходите на Кисела Вода се повеќе од два пати зголемени во последните две години

Ова најдобро го потврдува и финансискиот отчет за првиот квартал од 2025 година, кој покажува реализација на приходи од 322.841.406 денари, што претставува зголемување за 8,06% во однос на истиот период од 2024 година, која пак, беше претходно најдобра година во историјата на општина Кисела Вода.

Посбено е значаен делот во однос на капитални проекти, каде во првиот квартал од 2025 година, општината реализираше капитални проекти во вредност од 76.850.753 денари, што е три пати повеќе од 2020 и 2021 година, и дури 13,73 пати повеќе во споредба со првиот квартал од 2019 година.

За илустрација, во сите први квартали за време на четиригодишното владеење на претходниот градоначалник, се реализирани капитални инвестиции во вредност од 71.576.234 денари – што е помалку од реализацијата во првите три месеци на 2025 година.

Реализиравме приходи во износ од 322.841.406 денари, што е за 8,06% повеќе во споредба со истиот период лани, а и тогаш ја бележевме најдобрата година во историјата на општината.

Особено сум горд што веќе во првите три месеци од годината реализиравме капитални проекти во вредност од над 76 милиони денари – сума што ја надминува четиригодишната капитална реализација на претходното раководство.

Во тек е постапка за реализација на уште 22 нови капитални проекти, за кои аплициравме за финансиска поддршка од Владата предводена од премиерот Христијан Мицкоски.