Немаме доволно маски: Прехранбените компании имаат проблем при прозводството

Добивај вести на Viber

Прехранбените компании не можат да набават доволно заштитни маски кои им требаат при производството согласно препораките, затоа што има недостиг на маски на пазарот. Исто така во овој сектор има недостиг на суровини од увоз, особено на тие кои се купуваат од земјите кои се со ризик и кои го стопираа производството и ги затворија границите, како Италија на пример. Ова се клучните проблеми на компаниите од прехранбениот и трговскиот сектор. Од Стопанската комора велат дека овие компании ги презеле сите мерки во однос на отсуствата на дел од вработените односно ги замениле со други вработени или делумно го реорганизирале производството за да ги намалат последиците.

„ Има дефицит на пазарот од заштитни маски и ракавици за еднократна употреба, кои во објектот се користат како дел од работната опрема во секојдневниот производен процес. Во моментот, се користат залихи од споменатата лична заштитна опрема, меѓутоа од повеќе компании добивме известување дека на пазарот веќе се чувствува недостиг од овие материјали.  Домашните производни и трговски компании се соочуваат со проблеми при увоз на суровини и производи најмногу од земјите кои прогласија целосно затворање, како Италија, а согласно најавите, во наредниот период се очекува тоа да се случи и во уште неколку европски земји со кои имаме поголема трговска размена. Истовремено компаниите од прехранбениот сектор размислуваат, во случај на целосно затворање, да го прилагодат своето производство и достава на прехранбени производи со цел редовно снабдување на трговските ланци, вели Васко Ристовски, самостоен советник, Стопанска комора на Македонија.

Една од мерките која била преземена уште на стартот е формирањето на дезобариери на влезот во сите компании низ кои минуваат возила кои вршат превоз на луѓе и дистрибуција на нивните производи.  

А.Т.