ЕВЕ ШТО ЌЕ НИ ИЗГРАДИ ВЛАДАТА СО БРИТАНСКИОТ ЗАЕМ: Николоски открива големи проекти

Добивај вести на Viber

Уверуваме дека ќе имаме најдолга рочност за враќање, најголем грејс период и најдобра камата, истакна вицепремиерот и министер за транспорт Александар Николоски во однос на условите за заемот од Велика Британија.
 
-Дефинитивно ќе добиеме рок на отплата над 15 години и многу поатрактивно од она што како услов го има Србија на пример. Србија сега гради автопат Белград-Сараево со каматна стапка 3,5 отсто. Ние ќе имаме доста пониска, вели Николоски во гостувањето во "Топ Тема" на ТВ Телма.

Тој уверува дека финансирањето на проектите ќе биде без скриени трошоци, односно од финансиските институциии ќе се бара трошокот за заемот да биде единствен без скриени и дополнителни ставки, а процесот ќе биде целосно транспарентен пред граѓаните.

Николоски потенцира дека со парите од заемот покрај брзата пруга Табановце - Гевгелија, во Штип ќе се заврши и изградбата на Клиничката болница, ќе се гради нов Медицински факултет и студентски дом. 

-На овие проекти додаваме целосна реконструкција на Клиничката болница во Тетово, како и изградба на целосно нова болница во Кичево, заедно со целосно нов Здравствен дом. За сите проекти се добива сума од некаде 190 милиони евра, за сите заедно, додаде Николоски осврнувајќи се на намената на парите од британскиот заем.