Акционерско собрание нa Стопанска банка
Објавено во: Мои пари 15 Ноември, 2016
Стопанска банка АД-Скопје континуирано одржува водечка позиција во банкарскиот сектор преку достигнување на највисоки перформанси и профитабилност, обезбедувајќи силна капитална и ликвидносна позиција.
Банката во изминатите години остварува добивки преку кои ја потврдува својата долгорочна стратегија фокусирана на оптимизација на сите неопходни ресурси со цел да ги подобри перформансите во секој домен од нејзиното работење.
Во 2014 и 2015 година, Стопанска банка оствари добивка по оданочување во вкупен износ од МКД 3.429.041.081. Ваквите позитивни резултати обезбедија основа за зголемување на регулаторниот капитал на Банката во 2015 година од акумулираната добивка во износ од МКД 2.159.353.000 (ЕУР 35 милиони), со што дополнително се зајакна капиталната база на ниво кое е значително повисоко од капиталните барања пропишани во регулативата.
Одличните перформанси и високата профитабилност, како и високата капитална позиција, создадоа услови за поврат на долгорочните инвестиции на акционерите, вклучително и на малцинските акционери кои години наназад очекуваа поврат од нивните инвестиции.
Во насока на ова, ќе биде предложено на Собранието на акционери на Банката да одобри исплата на дивиденда на имателите на обичните акции во вкупен бруто износ од МКД 2.776.168.620, односно бруто износ од МКД 159 по обична акција. Имајќи предвид дека овој износ произлегува од задржаната добивка од претходните години, која не се вклучува во регулаторниот капитал и не влегува во пресметката на стапката на адекватност на капиталот, исплатата на гореспоменатата дивиденда нема да има никакво влијание врз капиталната база, која и натаму останува силна и во насока на натамошна соодветна поддршка на редовните активности на Стопанска банка за годините кои ни претстојат.
Можеби ќе ве интересира
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
Државната изборна комисија го заокружи едукативниот караван „ТИ СИ НА РЕД“ во битолскиот и тетовскиот регион
СУПЕР МИЛИОНЕР ЏЕКПОТ НА ВИДЕОЛОТАРИЈА КАСИНОС АВСТРИЈА Е ВО ЗОНА НА ПАЃАЊЕ
