ФАКТОР НА ДЕНОТ: Полицијата поднесе кривична пријава против новинарот Фуркан Салиу

Добивај вести на Viber

КРИВИЧНА ПРИЈАВА ПРОТИВ ФУРКАН САЛИУ

Полицијата денеска поднела кривична пријава против новинарот Фуркан Салиу и уште едно лице.

Двајцата се осомничени за делото „спречување службено лице во вршење службено дејствие“.

„Ве известуваме дека по целосно документирање на настанот, на 11.04.2024 од страна на Единицата за насилен криминал при СВР-Скопје до ОЈО Скопје против лицата Н.Ј. и Ф.С. поднесена е кривична пријава за сторено кривично дело ’спречување службено лице во вршење службено дејствие‘ по член 382 од Кривичниот законик“, велат од МВР.

Салиу на социјалните мрежи објави дека не верува оти МВР може да го докаже делото.

Македонија останува хибриден режим, за разлика од Украина или Молдавија не презеде мерки против корумпираните мрежи.  Ова стои во извештај на Фридом Хаус. 

Македонија страдала од назадување во примената на принципот на владеење на правото и попуштила пред упорната корупција на високо ниво, додека политичките партии влегле во конфронтација во врска со уставните амандмани наложени од бугарското вето што ги попречува напорите на државата да влезе во Европската унија.

MAКЕДОНИЈА ЌЕ ИМА НАЈНИЗОК РАСТ ВО РЕГИОНОТ

Според Светска банка, Македонија ќе испорача најнизок економски раст од земјите во регионот. Земјава ќе има раст од 2.5 отсто. Идната година растот ќе биде 2.9 отсто. 

Во сите други држави од Западен Балкан економијата годинава ќе порасне за над 3 отсто.

Од Светска банка велат дека во Македонија е проблематично зголемувањето на буџетскиот дефицит, го поздравуваат намалувањето на инфлацијата, но велат дека во главно цените на храната не бележат забележителен пад. 

ПРЕТРЕСИ ВО ИДРИЗОВО

Поголема кличина на недозволени предмети се откриени при претресите што утрово беа извршени во Казнено поправната установа Идризово со цел обезбедување доказни материјали, кажа директорот на КПУ Идризово - Скопје, Зоран Јовановски, по денешната голема акција на полицијата и обвинителство во просториите на затворот..

Тој дополни дека веќе се завршени претресите.

ЧИТАЈТЕ УШТЕ

Двете деца на Светозар Јаневски, Драгана Јаневска и Јане Јаневски, стануваат директори во успешната компанија која ја создаде овој познат бизнисмен, винарската визба „Тиквеш“.

Парадоксално, но вистинито - ниту една казнена мерка лани не е изречена против монополско здружување и концентрирање во земјата во година кога државата требаше да се бори против најголемиот инфлаторен пораст на цените и незапирливиот бран на поскапувања.

Транспарентните компании ја објавуваат речиси секоја промена во акционерскиот капитал со кој располагаат.

Што ја поттикнува неформалноста на фирмите? Во кои сектори има најмногу неформални работници, но и кој тип на компании, големите или малите имаат повеќе неформални работници. Анализа на „Фајненс тинк“ утврди кои причини поттикнуваат неформалната работа, но и зошто луѓето ја прифаќаат.

Анксиозноста и депресијата се одразуваат негативно на продуктивноста на работниците кои страдаат од овие психички проблеми.