ЗА УБИСТВОТО НА ДАНКА: Уапсените мажи одат на психијатриско вештачење?
Објавено во: Балкан 15 Април, 2024
Двајцата мажи кои се во притвор за убиството на двегодишната Данка Илиќ од Бор ќе бидат упатени на психијатриско вештачење во Специјалната затворска болница во Белград.
С.Ј.(50) и Д.Д.(50), ќе бидат упатени на психијатриско вештачење во Специјалната затворска болница во Белград, штом ќе се исполнат условите. Вишото јавно обвинителство во Заечар наложило осомничените да бидат донесени на психијатриско вештачење во оваа институција, пишува српски Мондо.
Покрај психијатриското вештачење на осомничените, Обвинителството во Заечар ќе преземе уште најмалку пет доказни дејствија во предметот против двајца вработени во ЈКП Бор Водовод, кои се сомничат дека прво со службен автомобил ја удриле девојката, а потоа ја задавиле и го сокриле нејзиното тело кое не е пронајдено. Вишото јавно обвинителство во Заечар истовремено работи на испрашување сведоци, испитување на базните станици, телефоните на осомничените, како и на ДНК прегледи, вклучително и гардеробата на осомничените.
Еден сведок ќе биде сослушан денеска, тоа е мајката на осомничениот Дејан Драгијевиќ, С.Д. и таа ќе биде единствената со право да не сведочи бидејќи е блиска роднина на осомничениот, а осомничен е таткото на осомничениот Д.Д. за друго кривично дело во овој случај помагање на синот по убиството.
Taткото на еден од убијците рекол дека нема да ја открие локацијата каде е телото.Девојчето исчезна на 26 март. Полицијата уште го бара телото. Тие проверуваа повеќе локации во селото Злот, од каде се убијците. Уапсените веќе беа на полиграфско тестирање. Убијците се припадници на влашкото малцинство во Србија поради што имаше реакции од Власите дека не сакаат да бидат етикетирани како етничка група.
фото: Принтскрин/Социјални мрежи