ТИЕ СЕ УЗБЕЦИ ДОСЕЛЕНИ ОД КИРГИСТАН: Мајката на уапсениот Алишер Касимов тврди дека нејзиниот син не е терорист
Објавено во: Свет 26 Март, 2024
Русија го упаси и мажот во чиј стан се сместиле терористите кои во петокот во Москва извршија напад во кој загинаа 139 луѓе, а 180 се ранети.
Сепак, мајката на уапсениот тврди дека тој не е терорист. Рана Касимов (59) мајката на уапсениот Алишер Касимов, обвинет за помагање во терористичкиот напад во Москва, кој му го изнајмил станот на водачот на терористите Шамсуидин Фаридуни. Вознемирената и уплакана мајка на Касимов вели дека нејзиниот син не ги познавал луѓето на кои им го изнајмил станот. Според неа, тие му рекле дека дошле да работат на градилиште.
„Му реков да го издава станот само на Руси, но му требаат пари, а има 3 деца и хипотека, треба да ја отплати, па затоа им го издаде станот на овие луѓе. Тој им веруваше на сите. Таков човек е, верува“, изјави мајката на Алишер Касимов.
Таа објасни и дека се Узбеци од Киргистан, 27 години работи како медицинска сестра, разведена е и дека сама го одгледала синот. Мајката неколкупати нагласи дека нејзиниот син е вреден човек, има 3 мали деца и дека работи од својата 11-та година.
Според информациите во руските медиуми, Касимов поседува мал ресторан, во Москва, во кој доаѓал Шамсуидин Фаридуни, но таа порекна.
На терористите им се заканува доживотен затвор. ИСИС се закани дека ќе врати со напади затоа што уапсените биле малтретирани.