Ќе бидат потребни 14 години да се отстранат урнатините во Појасот Газа, вели официјален претставник на ОН
Објавено во: Свет 26 Април, 2024
Ќе бидат потребни 14 години да се расчисти огромното количество урнатини, вклучително и неексплодирани убојни средства, што ги остави Израел за време на војната во Појасот Газа, изјави денеска претставник на ОН, Пјер Лодамар.
Лодамар, висок офицер во Службата за мини на ОН (УНМАС), изјави на брифинг во Женева дека војната оставила околу 37 милиони тони отпад во широко урбанизирана, густо населена област, објави Ројтерс.
Тој рече дека иако не е можно да се одреди точниот број на неексплодирани убојни средства пронајдени во Газа, се предвидува дека, под одредени услови, би можеле да бидат потребни 14 години да се расчистат остатоците, вклучувајќи ги и урнатините од уништените згради.
„Знаеме дека обично има стапка на неуспех од 10 проценти, односно муниција не се активира. Зборуваме за 14 години работа со 100 камиони“, рече Лодамар.
Воената операција на Израел против Хамас во Газа го намали поголемиот дел од Појасот Газа, тесна, крајбрежна енклава од 2,3 милиони луѓе, во пустош, при што повеќето цивили се бездомници, без храна и се изложени на ризик од болести, забележува Ројтерс.
The vast amount of #rubble including unexploded ordnance left by #Israel's devastating war in the #Gaza Strip could take about 14 years to remove, a #UnitedNations official said on Fridayhttps://t.co/Ezh59gxp68 pic.twitter.com/Mj609zZGby
— MENA TODAY (@MenaToday1) April 26, 2024
Судирите започнаа кога членовите на Хамас го нападнаа јужниот дел на Израел на 7 октомври 20023 година и убија 1.200 луѓе, а киднапираа околу 250.
Во израелската воена офанзива врз Газа од 7 октомври, загинаа најмалку 34.305 Палестинци, додека 77.293 беа ранети.
Фото: Принтскрин/Твитер