Дали Катар создава воена ескалација?
Објавено во: Свет 26 Јуни, 2017
Mинистерoт за надворешни работи на Бахреин во одлуката на Доха да дозволи доаѓање на поголем број турски војници на нејзина територија, гледа како на воена ескалација во спорот со регионалните сили.
Бахреин, Саудиска Арабија, Обединетите Арапски Емирати и Египет почнаа со бојкот на Катар пред три недели, обвинувајќи го дека ги подржува исламистите.
Потоа му објавија ултиматум на Катар, а испорачаа и барања меѓу кои е и затворањето на турската воена база во Доха.
Турција, земјата која е најзначајниот регионален партнер кој застана на страната на Катар, го зголеми бројот на војниците.
Турскиот претседател Реџеп Таип Ердоган го отфрли барањето на водечките арапски земји да ги повлече турските сили од Катар, оценувајќи го како „неучтиво“.
И катарските власти се изјаснија дека нема да ги прифатат барања, а побараа и помош од американскиот претседател, Доналд Трамп за кого сметаат дека може да изврши притисок врз арапските земји.