СЕКСУАЛЕН СКАНДАЛ ВО ЕКОТ НА НОБЕЛОВИТЕ НАГРАДИ

Добивај вести на Viber

Шведската академија објави дека нема да има добитник на Нобелова награда за литература во 2018 година. Ова следува како резултат на обвинувања за сексуален напад против член на академијата.

За првпат по 75 години, таинственото жири кое ја предава најпрестижната книжевна награда во светот, оваа есен нема да го открие победникот, туку ќе открие двајца победници за 2019 година. Одлуката, објавена по вчерашниот состанок, е донесена по низа обвиненија за сексуален напад против францускиот фотограф Жан-Клод Арно, сопруг на член на академијата и поетеса Катарина Фростенсон, пишува Радио МОФ.

Откако наводите беа објавени во ноември, тројца членови на 18-членото жири кое го избраа победникот, поднесоа оставка во знак на протест поради одлуката да не го протераат Фростенсон. Арно, исто така, беше обвинет за протекување на имињата на седумте поранешни добитници на Нобелова награда. Тој ги негира и двете тврдења.

По скандалот и протестите низ државата, постојаниот секретар на академијата Сара Даниус поднесе оставка на 12-ти април.

Членството во телото, кое е основано во 1786 година од шведскиот крал Густав III, е наменето да трае за цел живот, така што ако некој член си замине останува празно место во жирито се додека не почине.

По серијата неодамнешни оставки, шведскиот крал Карл XVI Густав објави дека ќе ги промени статутите на академијата, дозволувајќи им на нови членови да бидат назначени за да ги заменат оние што дале оставка.

Начинот на кој академијата избира добитник на наградата за литература остана мистерија во текот на минатиот век. 

Репутацијата на наградата, која ја добиле имиња како Самуел Бекет до Рабиндранат Тагоре, исто така беше доведена во прашање во 2016 година, кога академијата гласаше за музичарот Боб Дилан како нејзин лауреат за создавање нови поетски изрази во американската традиционална песна.