Полицијата откри чие е возилото кое се поврзува со убиството на Оливер Ивановиќ
Објавено во: Балкан 17 Јануари, 2018
Косовската полиција го идентификуваше сопственикот на запаленото возило, пронајдено во Косовска Митровица по убиството на лидерот на Граѓанската иницијатива СДП, Оливер Ивановиќ.
Регионалниот шеф на косовската полиција, Жељко Бојиќ за агенцијата Бета вели дека се работи со полна пареа и дека е формиран специјален тим кој се занимава исклучиво со истрагата за убиството на Ивановиќ. Бета неофицијално објави дека запаленото возило кое е пронајдено вчера претпладне на улицата Војвода Путник, му припаѓало на постар Австриец со српско потекло, кој е починат одамна.
Ивановиќ беше застрелан вчера со шест куршуми во Косовска Митровица на влезот на партијата којашто ја формираше.
Медиумите објавија дека Ивановиќ се плашел за својата смрт.
Убиството ги прекина преговорите меѓу Србија и Косово во Брисел, а српскиот претседател Александар Вучиќ деновиве ќе ги посети Србите на Косово.