Овој човек може да ја реши мистеријата за атентатот на Кенеди
Објавено во: Свет 03 Мај, 2018
Денот кога е убиен американскиот претседател, Џон Кенеди бил ведар и сончев, но сепак во близина на местото на настанот е забележан маж со црн чадор. Баш поради чадорот мистериозниот човек го привлекол вниманието на истражувачите.
Човекот со чадор може да се види на неколку видео снимки и фотографии направени на денот на атентатот. Овој неверојатен детаљ е забележан после неколку децении од атентатот.
Во едно од видеата, човекот го отвора чадорот и го крева високо над главата кога лимузината во која се возел Кенеди се приближила. Во еден моментот кога лимузината забавува, тој го свртува чадорот во насока на раката и веднаш потоа се слуша истрел. Џон Ф. Кенеди бил мртов.
Следните фотографии покажуваат дека по пукањето, човекот со чадор седи на тротоарот покрај знакот за „Стимонс фривеј“. Потоа тој станува и оди кон школската продавница за книги, каде се наоѓал убиецот Ли Харви Освалд. Вистинскиот идентитет на човекот со чадор никогаш не е откриен. Неговоите потези се прикажани и во филмови кои се занимаваат со теорија на заговор, вклучувајќи го и филмот на Оливер Стоун.
Теоријата сугерира дека човекот користи чадор за да му сигнализира на атентаторот. Тој може да му сигнализира на возачот на Кенеди да ја намали брзината.
Многу луѓе кои биле сведоци на атентатот изјавиле дека лимузината на Кенеди потполно застала на средината на улицата пред да биде убиен.