(ФОТО) Нимиц сее оптимизам, Димитров дециден дека ако се чепне идентитетот решение нема

Добивај вести на Viber

Процесот што го помага медијаторот Нимиц е важен за изнаоѓање на достоинствен начин за решавање на спорот, во кој двете страни ќе бидат почитувани, за што постои волја од страна на Македонија, рече министерот за надворешни работи Никола Димитров.

Димитров меѓутоа потенцира дека ако се допре идентитетот тогаш нема решение.

Шефот на македонската дипломатија, одговарајќи на новинарско прашање – дали би се преговарало за јазикот и за идентитетот, одговори дека ако овие прашање треба да се отворат, решение со Грција за проблемот нема да се постигне.

„Апсолутно не, не може да биде предмет на преговори, бидејќи не е предмет на одлука. Ако дојдеме до таа точка, до идентитетот, нема да има решение. Но жално ќе биде ако две европски држави ова не го препознаат“, потенцира Димитров. 

Нимиц дојде од Атина полн со оптимизам, и бара итно дејство за да се искористи позитивниот момент.

- Доаѓам од Атина каде што ги слушнав нивните мислења за прашањето за името, а денеска имав средби и со претседателот Иванов, премиерот Заев и со министерот за надворешни работи Димитров, со чии гледишта се запознав. Не сакам да ги потценам прашањата, ниту мислењата. Процесот оди напред, кај двете страни има војла да се најде решение. Се создава позитивен момент што треба да се искористи. Сега е вистинското време да се постигне решение и конечно регионот да тргне напред, а да продолжи соработката и пријателството меѓу двете земји, Има разлики во ставовите меѓу двете земји, но јас сум оптимист, - порача Нимиц, додавајќи дека треба да се дејствува брзо, со што во следните неколку месеци ќе се види дали е остварен напредок.

ФОТО: ФАКТОР