ЕВЕ КАКО МАКЕДОНИЈА ДОЈДЕ НА ОВА ДЕРЕЏЕ: Професорката Најчевска со четири причини

Издвојувам 4 причини кои според мене ја плетат мрежата на неуспехот околу нашата држава.

Ниту една држава не може да се развива доколку не постои континуитет кој обезбедува:

• надградување наместо постојано почнување од нула,

• институционално помнење

• услови да не се повторат или повторуваат грешките од минатото

Во Македонија од самиот почеток на нејзиното осамостојување па се до денес се практикува негативен континуитет

• од системот кој го напуштивме не беше преземена ниту една позитивна работа (солидарност, работнички права, солидна социјална и здравствена заштита, солидно образование, мерит систем, функционална локална самоуправа, професионален правосуден систем, систем на одговорност, партиципативна демократија, ...), а беа преземени сите негативни практики (непотизам, корупција, едноумие, партизација, злоупотреба и уништување на државниот имот, ...)

• секоја владејачка структура влегува во чевлите на претходната и ја проширува и надградува практиката на неодговорност, корупција, крадење на државната сопственост, непрофесионализам, партизација, непотизам, дезавуирање на правосудниот систем, упропастување на образованието, социјалната и здравствената заштита, локалната самоуправа, демократијата, ...

• во структурите на државниот апарат и на раковдни и функционерски позиции доаѓаат најнеспособните и најкорумпираните, и со секоја промена на власт непогрешливо и во континуитет се понеспособни и се покорумпирани“