Борисов: Чувствата на лидерите на партиите треба да останат на второ место
Објавено во: Балкан 28 Април, 2017
Лидерот на ГЕРБ и иден премиер на Бугарија, Бојко Борисов на денешната средба со новинарите изјави дека е растревожен од тоа што се случува во Македонија.
„Синоќа разговарав со претседателот на Македонија, по негово барање. Никола Груевски ми се јави, Зоран Заев – исто така. Како и сите и јас сум растревожен од тоа што се случува во Македонија. Многу внимателно, без никакво мешање во внатрешните работи ги повикав сите да најдат политички излез од ова криза. Таа тлееше со години“ - вели Борисов.
Тука емоционалните чувства на лидерите на партиите треба да останат на второ место, затоа што зад нив стојат многу луѓе, вели Борисов.
„Гледате дека омразата е голема. Се надевам дека ќе се најде политички излез, настојувам на тоа. Од животна важност ни е Македонија да ја сочува својата целовистост и да продолжи по патот на евроатлантските интеграции“ - додава лидерот на ГЕРБ.
Борисов објаснува дека кога во Бугарија има тензии се поднесува оставка, се оди на избори, и тоа што ќе го каже народот, се исполнува.