Блокади во Ерменија - граѓаните се одзваа на повикот за непослушност

Добивај вести на Viber

Десетици илјади граѓани се одзваа на повикот за граѓанска непослушност на ерменскиот опозициски лидер, Никол Пашинјан. Tие ги блокираа главните крстосници и владини објекти во престолнинаа Ереван, а протести се одржуваат и во други ерменски градови.

Демонстрантите на плоштадот пристигнаа со ковчег и цвеќе, што, како што тврди опозицијата, требало симболично да ја прикаже смртта на владејачката Републиканска партија во земјата.

Десетина демонстранти го носеа ковчегот низ плоштадот, по што го спуштија на тлото и принесоа цвеќе.

Пашинијан со недели ги предводи опозициските протести кои го принудија премиерот Серж Саргсијан да поднесе оставка а во гласањето во парламентот Пашинјан за осум пратенички гласови не успеа да ја презеде функцијата. Неговите подржувачи денеска им порачаа на пратениците дека го изгубиле трпението.

Пратениците од владејачката републиканска партија како знак на добра волја не кандидираа премиер од нивните редови, но при гласањето не го подржаа ниту Пашинијан. Тие го обвинуваат дека при неговиот обид да стигне до власт донел хаос на улиците во Ерменија.

Никол Пашинијан ги предводеше и антивладините протести во 2008-та, кога Сергсјан за прв пат беше избран за претседател на Ерменија. Во демонстрациите кои прераснаа во судири со полицијата загинаа десет лица а Пашинијан беше уапсен и обвинет за убиство и организирање насилни протести, но беше амнестиран во 2011-та година.

Син на професор по физичко воспитување и поранешен новинар, Пашинијан тврди дека тој е единствената личност во Ерменија која може да организира слободни избори и дека ги искорени корупцијата, непотизмот и сиромаштијата од земјата.