ЗДИВЕА ЦЕНИТЕ НА МЕСОТО: За една година поскапуваат за 5,7 отсто во овие три земји и повеќе
Објавено во: Финансии, Свет 07 Април, 2024
Цената на месото во Европа рапидно порасна од почетокот на оваа година. Според последниот извештај на Евростат, најголем раст, од 5,7 отсто, е забележан кај свинското месо.
Канцеларијата на ЕУ задолжена за статистика наведува дека цените на јагнешкото и козјото месо скокнале за 4,5 отсто, а на говедското и телешкото за три отсто.
За разлика од нив, цената на живината минатата година е намалена за 1,6 отсто.
Во текот на изминатите три години, годишните стапки на инфлација на месото беа највисоки меѓу април 2022 година и март 2023 година, со промени на стапките над 10 проценти.
Поголемиот дел од земјите на Европската унија во февруари 2024 година, во споредба со истиот период лани, забележаа пораст на цените на месото, што најмногу скокна во Бугарија (8,2 отсто), Романија (7,7) и Хрватска (7,1).
За разлика од нив, цените на месото паднаа во три земји, најмногу во Чешка (5,1 отсто), Финска (2,2) и Данска (0,6).
Курир.рс