ВУЧИЌ ПЛАНИРА ДА КУПИ 12 БОРБЕНИ АВИОНИ ОД ФРАНЦИЈА: Дали соседите се загрижени?

Добивај вести на Viber

Северниот сосед ќе купи авиони од Франција. 

Најавеното купување борбени авиони од Франција ги загрижи соседите на Србија, пишува американска новинска агенција.

„Србија е блиску до потпишување договор за купување на 12 француски повеќенаменски борбени авиони „Рафал“, најави денеска претседателот Александар Вучиќ, што би означило оддалечување од традиционалниот воен снабдувач на Русија – пишува американската новинска агенција АП.

Агенцијата пишува дека Србија размислува за купување нови авиони „Рафал“ повеќе од две години откако Хрватска купи 12 употребувани борбени авиони од ист тип за околу една милијарда евра.

„Брзото вооружување на српската армија ги загрижува некои од нејзините соседи по крвавиот распад на Југославија во 1990-тите. Критичарите на западното вооружување на Србија велат дека продажбата на софистицирани француски авиони може да го поттикне Вучиќ на крајот да интервенира воено во соседно Косово, поранешна српска покраина која прогласи независност во 2008 година, која Србија не ја признава“, пишува АП.

Вучиќ изјави дека синоќа имал многу добар разговор со францускиот претседател кој траел повеќе од три часа и дека постигнале конкретни договори за купување на борбените авиони „Рафал“, за кои договорите ќе бидат потпишани во следните два месеци.

„Многу сум среќен поради резултатите од тие разговори, среќен затоа што можевме на отворен и специфичен начин да разговараме за сите видови соработка со една од најважните земји во светот. И мислам дека постигнавме конкретни договори во врска со купувањето и на „Рафал“, каде очекувам да биде потпишан договорот во следните два месеци и со присуство на претседателот на Франција, што е исклучително важно за Србија на повеќе нивоа“, рече Вучиќ.

Тоа создава можности за други соработки.  Инаку, претходно и Србија беше загрижена поради фактот дека Косово се вооружува.