(ВИДЕО) УКРАИНЦИТЕ ГАЃАА НА РУСКА ТЕРИТОРИЈА: Погодија фабрика за производство на авиони во Воронеж
Објавено во: Свет 09 Април, 2024
Украинците тврдат дека погодиле руска фабрика за производство на авиони во Воронеж.
Украинската воена разузнавачка агенција (ГУР) го погоди главниот производствен погон на фабриката за авиони во руската област Воронеж, објави Ројтерс од украинските разузнавачки кругови. Погоден е објект за поправка на авиони во градот Борисоглебск, но нема информации за степенот на штетата.
Градот е на најмалку 350 километри од линијата на фронтот во Украина.
Руското Министерство за одбрана претходно соопшти дека над таа област се соборени две украински беспилотни летала. Киев сè повеќе напаѓа подлабоко на руска територија, гаѓајќи ги воените објекти и енергетската инфраструктура што ја напојува руската воена машина. Украина користи дронови со долг дострел од домашно производство. САД ја опоменаа Украина да не ги гаѓа руските рафинерии, затоа што ќе скокнат цените на нафтата, но и по овој апел, Украинците пак гаѓаа рафинерии. Руската инвазија на Украина почна на 24 февруари 2022 година.
Видеото можете да го видите тука.