ТОШКОВСКИ OЧЕКУВА МИРЕН ДЕН: Немаме забележано никакви посериозни нарушувања на изборниот процес
Објавено во: Македонија 24 Април, 2024
Техничкиот министер за внатрешни работи Панче Тошковски утрово изјави дека досега нема никакви нарушувања на гласањето.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб, мислам дека изборниот ден ќе помине во најдобар ред“, додаде Тошковски.
Вели дека очекува и мирен изборен ден. Македонските граѓани денеска бираат претседател. Се гласа до 19 часот. Право на глас имаат над 1.8 милиони луѓе.