„ТЕ МОЛАМ ДОЈДИ ДА РАБОТИШ КАЈ НАС, НЕМА КОЈ ДА РАБОТИ“: Хрватските угостители ги молат сезонските работници од земјава да заминат на работа кај нив

Добивај вести на Viber

Хрватските угостители, сопственици на ресторани, апартмани, пекари и други области кои за време на летната сезона го имаат најголемиот обем на работа, телефонски ги контактираат работниците од Македонија кои минатите сезони работеле кај нив, да одат повторно да работат кај нив, со образложение дека немаат работници.

„Ми се јави газдарицата на пекарата каде што работев, за да заминам да работам и оваа година кај неа. Јас сега имам убава работа тука, земам убава плата и не ми е во план да одам на работа во Хрватска. ја одбив, а таа дури ми понуди и повисока плата за 300 евра само за да отидам. Откако и тогаш ја одбив, ме замоли да се распрашам дали некој што го познавам ќе сака да оди од мај до октомври на работа кај неа“ раскажува Бисера К., 30 годишна скопјанка која две години по ред работела во Пекара во Дубровник.

Таа вели дека минатата година зимала 1.300 евра плата, храната и била обезбедена од газдите исто како и сместувањето, така што тие пари и останувале чисти.

„ Работата навистина не беше тешка. Се работеше во смена, прва и втора, по осум часа, а доколку сакав имав опција да работам и дополнително за екстра пари. Газдите беа навистина љубезни луѓе, немам апсолутно никакви поплаки“, вели Бисера.

Речиси секоја летна сезона, Хрватска мака мачи со пронаоѓање сезонски работници. На сезонска работа заминуваат претежно млади лица од земјава, кои немаат фамилијарни обврски, но се поголем е и бројот на фамилијарни луѓе кои во потрагата по профит заминуваат на 4/5 месеци во Хрватска на работа.

Д.Т.

Фото: unsplash