Рот оние кои упаднаа во Собрание ги нарече националистички варвари
Објавено во: Македонија 29 Април, 2017
Најдиректна порака за упадот во Собранието досега упати државниот министер во германското МНР, Михаел Рот, кој ги прогласи насилниците за „националистички варвари“, објави Дојче Веле.
Тој на Твитер утрово ја искоментира ситуацијата во Македонија.
„Националистички варвари сакаат да ги уништат последните остатоци на демократската култура во Македонија. Ужаснат сум“ - напиша Рот на својот Твитер профил.
По упадот во Собранието и тепањето на пратеници, имаше жестоки реакции и осуда на насилствата. Во немирите беа повредени стотина лица, меѓу кои пратеници, граѓани, полицајци. Повреден беше и лидерот на СДСМ, Зоран Заев. Граѓаните кои насилно влегоа дивееја и кршеа сè пред себе. По пратениците маваа со инвентар и други предмети.