Каде ќе бидат притворени Грујевски и Бошковски?
Објавено во: Македонија 19 Октомври, 2017
Поранешниот началник на петтата управа, Горан Грујевски, и Никола Бошковски, вработен во УБК, кои вчера беа уапсени во Грција денеска ќе бидат изведени пред Обвинителството во Солун.
Ќе им биде одредено во кој затвор ќе бидат притворени до комплетирањето на предметот за нивна екстрадиција, велат од Министерството за правда.
„При пасошка контрола биле евидентирани со фалсификат бугарски пасоши и притоа е утврдено дека за нив е распишана медународна потерница од Интерпол по барање на МВР на Република Македонија. Во информацијата е наведено дека Грујевски и Бошковски во текот на денот ќе бидат изведени пред обвинителот на Солун и ќе биде одредено во кој затвор ќе бидат притворени сé до комплетирање на предметот на екстрадиција”- се вели во соопштението на Министерството за правда.
Грујевски и Бошковски три месеци се во бегство. Нив мерката притвор што им беше одредена откако СЈО поднесе обвиненија за предметите „Тврдина“ и „Таргет“, заради незаконско прислушување преку злоупотреба на системите за следење во МВР, како и за физичко уништување на дел од таа опрема.